Astana qalasynyń qylmystyq ister jónindegi aýdanaralyq soty ánshi Sıvı Mahmýdıdiń burynǵy kúıeýine úkim shyǵardy. Oǵan sáıkes, Ańsar Qajymuqanuly 5 jylǵa sottaldy dep habarlaıdy bairaqmedia.kz

Ol qylmystyq kodekstiń 190-baby 4-bóliginiń 2-tarmaǵy, ıaǵnı, asa iri mólsherde jasalǵan alaıaqtyq boıynsha kináli dep tanyldy. 

Astana soty taratqan aqparat boıynsha sottalýshy K. jábirlenýshi A. jáne onyń týystarynyń 50 myń AQSH dollaryn jymqyrǵan.

Bastapqyda jábirlenýshiniń týysy asa iri mólsherde psıhotroptyq zattardy zańsyz saqtaý faktisi boıynsha tergeý ızolátoryna qamalǵan. Muny bilgen K. polısıa qyzmetkerleriniń arasynda is júzinde tanysy joq bola tura, qalyptasqan jaǵdaıdy paıdalanyp, jazany jeńildetý úshin qarajatty polısıa qyzmetkerlerine beremin dep aldap, alaıaqtyq jasaǵan.

Sottalýshynyń jas balalarynyń bolýy, kinásin moıyndaýy, shyn júrekten ókinýi qylmystyq jaýapkershilik pen jazany jeńildetetin mán-jaı retinde tanylǵan.

Ańsar Qajymuqanuly men ánshi Sıvı Mahmýdı on jyldaı nekede bolǵan. Erli-zaıypty 2020 jyly ajyrasyp ketken bolatyn.