Almatydaǵy Saıran kólin jańǵyrtý jumystary aıaqtalmaı jatyp aınalasy qoqysqa toldy, dep habarlaıdy bairaqmedia.kz

Sýǵa túsý maýsymyn bastap ketken jurt turmystyq qaldyqtardy betaldy tastap, jaǵajaıdyń kórki álden kete bastaǵan.

Náskı, qaǵaz bótelke bári jatyr. Ne ishedi, sonyń bárin tastaıdy. Ana jerge otyrýǵa múmkinshilik joq, - dedi qala turǵyndarynyń biri.

Jasandy kól kúrdeli jańǵyrtýdan soń resmı túrde áli ashylmaǵan. Maýsymnan bastap paıdalanýǵa beriledi dep josparlanǵanymen, qazir mundaǵy abattandyrý jumystary áli de júrip jatyr. Sondyqtan, ázirge kólde shomylýǵa bolmaıdy.

Alaıda, eskertýdi pysqyryp jatqan turǵyndar joq. Ásirese, bala-shaǵa Saıranda emin-erkin shomylyp júr. Aıta keterligi, mundaǵy qoǵamdyq dárethana da ashylmaǵan. Al, qoqys jáshikteri bar bolǵanymen, ony kádege jaratyp jatqan halyq joq. Iaǵnı, ishken sýsyny men jegen tamaǵynyń qaldyqtaryn otyrǵan jerinde tastap ketip jatyr. Qoqys kólde de qalqyp júr.

Qyrýar qarajatqa jóndelgen jaǵajaıdaǵy tazalyqty qadaǵalap júrgen eshkim joq. Tek keıde qoqysty eriktiler jınap ketedi deıdi jaqyn mańaıdaǵy turǵyndar.