Almaty oblysynda Qazaqstan halyqtarynyń birligi kúnine oraı aýqymdy merekelik is-sharalar uıymdastyryldy dep habarlaıdy bairaqmedia.kz

Qonaev qalasynyń shetinde jańa jasyl beldeý irgetasy qalandy. Jobanyń maqsaty – kómirtek izin azaıtyp, turaqty orman ekojúıesin qalyptastyrý.

Al, qala ortalyǵyndaǵy alańda etnomádenı kórme uıymdastyryldy. Qazaq, sheshen-ıngýsh, káris, tatar-bashqurt, orys, uıǵyr, túrik jáne tájik dıasporalarynyń ókilderi ulttyq taǵamdaryn, qolóner buıymdaryn usynyp, «Aýyl sheberleri» etnoaımaǵynda sheberlik sabaqtaryn ótkizdi.

Almaty oblysynyń ákimi Marat Sultanǵazıev jınalǵan qaýymdy quttyqtady.

Sizderdi Qazaqstan halqynyń birligi kúnimen shyn júrekten quttyqtaımyn! Bul mereke – dostyqtyń, ózara túsinistik pen kelisimniń nyshany. «Birlik bar jerde – tirlik bar» deıdi halqymyz. Etnostar arasyndaǵy aýyzbirshilik pen syılastyqtyń arqasynda elimiz damyp, alǵa basyp keledi. Qazaqstannyń basty jetistigi – ultaralyq kelisim. Biz ony saqtap, nyǵaıta bilýimiz kerek, – dedi Almaty oblysynyń ákimi Marat Sultanǵazıev.

Sondaı-aq, óńir basshysy Qazaqstan halqy Assambleıasynyń 30 jyldyǵyna arnalǵan mereıtoılyq medaldardy saltanatty túrde tabystady. Bul marapatty 17 etnomádenı birlestiktiń belsendi múshesi ıelendi.

Óńirde ulttyq kıimder sherýi, sondaı-aq, B.Soqpaqbaev atyndaǵy saıabaqta «Birlik júgirýi» uıymdastyryldy. Sporttyq bastamaǵa 300-ge jýyq adam qatysty.

Qazaqstan halqynyń birligi kúnine jáne «Taza Qazaqstan» memlekettik aksıasy aıasynda Sheńgeldi aýylynda 10 myń aǵash otyrǵyzylǵanyn da aıta keteıik.