“Qalaýlym” arqyly tanylǵan bloger Zarına Sapar eks-joldasyna qatysty shyndyqty aıtty. Bul týraly Stan.kz aqparat agenttigi “Aıtarym bar” podkastyna silteme jasap habarlaıdy. 

Zarına Sapardyń burynǵy kúıeýi, jýrnalıs, medıa mamany – Aıdos Igilikov.

"Qalaýlymda" ózimniń qasymda otyrǵan qatysýshy alyp qashty. Aıdos Igilikov. Redaksıa da senbeıdi, qatysýshylar da senbeıdi. Ózimiz úshin de sengisiz dúnıe. Biz múldem jup bolyp júrgen emespiz. Tipti flırt bolǵan emes. Aıdostyń meni syrttaı unatatynyn biletinmin. Sebebi men aýylǵa da baram, túzge de baram dep turǵan, kishkentaı, qazaqy qyz edim. Sodan ol meni túzep alýǵa bolatyn qyz dep oılady. Ol alyp qashqanda báriniń "jarasasyńdar" degen sózine senip, uıat bolady dep qaldym. Biraq nege ekenin bilmeımin, men barǵanda da, jolda da uıyqtap jattym. Bir nárse ishkizip uıyqtatýy da múmkin be degen kúdik týady. Kelin bolyp túskende barǵan jerim adal keldi me dep tósegimdi tekserdi", – deıdi ol.

Sózinshe, shańyraq kótergennen keıin, eki aptaǵa jetpeı kúıeýi qol kótergen.

“Basynda bári tamasha boldy. Eń alǵash kóńilim qalǵan sát – ózimniń aqshamdy anama jibergenim úshin áńgime aıtty. Ol Aıdospen úılengenge deıin tapqan aqsham. Sol kezde ursyp, boqtady. Esten tanyp, jerge qulaǵansha urdy. İz qalmaıtyn, adam kórmeıtin jerlerden uratyn. Bul – josparly túrde qol kóterý. Qylqyndyryp jerden kóterip alǵan kezi boldy. Úıime qońyraý soqpasyn dep telefonymdy syndyryp tastaıdy. Qol kóterý úılengennen keıin eki jarym aptadan soń bastaldy. Al eki kún buryn aıaǵym aýyr, ishime otyryp alyp basymdy eki jaqqa urdy. Ózi biledi, erkek bolsa moıyndaıtyn shyǵar", – dep jan syryn aqtardy bloger.