Keshe Maıǵazıevter áýlıetinde dúbirli toı ótti. Onyń tikeleı kórsetilimi keshki 17:00-de bastalyp, túngi 2:00-ge deıin sozylǵan, dep habarlaıdy bairaqmedia.kz

Ádilet pen Ádıanyń úılený toıyna Sáken Maıǵazıevtiń ónerdegi áriptesteri túgel jınaldy. Iaǵnı, shaqyrylǵan qonaqtardyń jartysy tanymal tulǵalar boldy. 

Júrgizýshilerdiń sózinshe, toıdyń ózinde myńǵa jýyq qonaq bolǵan. Al, keshti onlaın tamashalaǵandar sany áldeqaıda kóp boldy. Tólem jasaǵandar úshin qoljetimdi bolǵan jabyq kanalǵa 9 myńǵa tarta adam tirkelgen. Iaǵnı, olardan jınalǵan qarajat 12 mıllıon teńgeden asady. Buǵan qosa, toıhanada bolǵan qonaqtardyń shashýy bar. Máselen, ánshi Maqpal Júnisova Maıǵazıevterdiń qýanyshyna 1000 dollar ala kelipti.

Ánshi toıǵa qyzy Mereıdi ertip barǵan. Meıramhanaǵa balasyn ertip kelgender qatarynda Mádına Sádýaqasova da bar. Ol Sáken Maıǵazıevpen quda bolǵysy keletinin aıtyp qaldy.

Tikeleı efır barysynda qonaqtarmen, qalyńdyq jáne kúıeý jigitpen suhbattardan bólek, Sáken Maıǵazıevtiń qatysýymen aldyn ala túsirilgen beınerolık te kórsetildi. Mańǵystaýdan kelgen sý jańa qudalar da tikeleı efırde suhbat berdi.  Ádilet Maıǵazıev jary Ádıamen qalaı tanysqanyn da aıtyp berdi. Sóıtse, eki jas Aqtaýda tanysqan eken. Iaǵnı, qalyńdyq Ádilettiń dosynyń jaqyn qaryndasy bolyp shyqty.

Toıdyń tikeleı efıri 9 saǵatqa sozyldy. Toıdy uıymdastyrý barysynda 100-den asa adam qyzmet etken. 15 júrgizýshi toı tizginin ustaǵan. 100-ge jýyq mýzykalyq nomer qoıylǵan. 

Toıǵa qatysqan qonaqtar sýret pen vıdeolaryn jelige jarysa júktep jatyr.