Álem juldyzy Djenıfer Lopes Astanada konsert ótkizedi. Bul týraly «Astana konsert» kompanıasynyń prodúseri Málik Hasenov Úkimet otyrysynda málimdedi, dep habarlaıdy Bairaqmedia.kz.

Búgin Qazaqstan úshin ǵana emes, tutas Ortalyq Azıa úshin tarıhı oqıǵa bolatyn erekshe jobany qýanyshpen kórsetkim keledi. 1 tamyzda «Astana Arena» stadıonynda álemge áıgili ánshi Djennıfer Lopestiń konserti ótedi. Ol tolyǵymen komersıalyq negizde uıymdastyrylǵan, − dedi Málik Hasenov.

Onyń aıtýynsha, sharaǵa 15 myńnan astam sheteldik týrıs keledi dep kútilip otyr. Qalanyń ekonomıkasyna jalpy úles 6,5 mlrd teńge bolsa, konsertten túsetin tikeleı salyqtyq túsimder 400 mln teńgeden asady.

Alǵashqy «A» sanatyndaǵy komersıalyq konserttiń qorytyndysy boıynsha Astana qalasynyń ákimdigimen birlesip, aldaǵy úsh jyl ishinde 10 «A» sanatyndaǵy konsert ótkizýdi kózdeıtin oqıǵalyq týrızmdi damytý jónindegi strategıalyq jospar ázirlenetin bolady. Basty maqsat — Astanany Ortalyq Azıadaǵy oqıǵalyq týrızmniń basty núktesine aınaldyrý. Memlekettik organdardyń belsendi qoldaýyn suraımyz, – dedi Málik Hasenov premer-mınıstr Oljas Bektenovke.

Aıta ketsek, amerıkalyq aktrısa jáne ánshi Djennıfer Lopes gastróldik sapary aıasynda 1 tamyzda Astanada Astana Arena-da óner kórsetedi. Bul týraly ol áleýmettik jelidegi resmı paraqshasyna jazdy.