Astanada Otan qorǵaýshylar kúnine jáne Uly Otan soǵysyndaǵy Jeńistiń 80 jyldyǵyna arnalǵan sherýge aýqymdy daıyndyq bastaldy. Osyǵan baılanysty 3 jáne 4 mamyr kúnderi birqatar kóshede ýaqytsha shekteýler engiziledi, dep habarlaıdy Bairaqmedia.kz.
Qala ákimdiginiń málimetinshe, 3 mamyrda tańǵy saǵat 5:00-den 6:30-ǵa deıin A-334 kóshesi boıynsha – Aqjol dańǵyly-Qoshqarbaev dańǵyly-Momyshuly dańǵyly-Táýelsizdik dańǵyly arqyly áskerı tehnıka ótedi. Áskerı tehnıkalar jattyǵý ornyna qaraı baǵyt alady. Osydan keıin birden saǵat 6:30-dan 8:00-ge deıin A-334 kóshesi boıynsha – Aqjol-Qoshqarbaev-Amanjolov-Nájimedenov baǵyty arqyly paradtyq jeke quramdy tasymaldaý bastalady.
Qosymsha, saǵat 5:00-den 13:00-ge deıin Táýelsizdik dańǵyly (Momyshuly dańǵylynan Panfılov kóshesine deıin) jabylady, sondaı-aq Aqyrtas, Qaldaıaqov kóshelerinde jáne Qoshqarbaev dańǵylynda kólik qozǵalysy shekteledi – tehnıka ýaqytsha ornalasady.
Saǵat 5:00-den 14:00-ge deıin Q.Qýanyshbaev atyndaǵy mýzykalyq-drama teatrynyń aldyndaǵy turaq jabylady, sondaı-aq Qýanyshbaev, Nájimedenov, Baıtursynov jáne Nurmaǵanbetov kóshelerinde jeke quramy bar avtobýstardy ornalastyrý úshin jol qozǵalysy shektelip, turaq oryndary jabylady.
Bul kún áskerılerdiń oralýymen aıaqtalady: saǵat 12:30-dan 14:00-ge deıin tehnıka men avtobýstar Nurmaǵanbetov-Qoshqarbaev-Aqjol-A-334 baǵyty arqyly ornalasý pýnktine qaıtady.
4 mamyrda da qozǵalys jospary osyǵan uqsas bolady: tańerteńnen bastap áskerı tehnıkanyń qozǵalysy jáne sherýge qatysýshylardy tasymaldaý, 5:00-den 14:00-ge deıin – 3 mamyrda jabylǵan kóshelerge shekteý engiziledi, 12:30-dan 14:00-ge deıin – kórsetilgen marshrýt boıynsha tehnıkalar legi qaıtarylady.
Sonymen qatar, jaıaý júrginshilerge de shekteýler engizilýi múmkin: keıbir jaıaý júrginshiler ótkelderi jabylady nemese basqa tusqa baǵyttalýy múmkin. Qala turǵyndary men qonaqtaryna belgiler boıynsha júrý nemese ýaqytsha belgilerdi ustaný jóninde keńes beriledi. Áskerı tehnıkanyń qaýipsiz júrýin qamtamasyz etý maqsatynda sherý ótetin oryndardaǵy keıbir ýchaskelerde baǵdarsham nysandary konsolderiniń joǵarǵy bóligi burylatyn bolady.
Atalǵan ýchaskeler arqyly qatynaý jáne jol júrý is-sharalar aıaqtalǵannan keıin qaıta jandanady. Quqyq qorǵaý organdary qyzmetkerleriniń qaýipsizdik erejeleri men nusqaýlaryn saqtaýdy suraımyz.
Bul kúnderi (3, 4, 7 mamyr) kelesi avtobýs marshrýttarynyń qozǵalys syzbasy ózgeredi: № 3, 4, 4A, 14, 15, 15A, 19, 21, 29, 29A, 30, 32, 40, 43, 47, 50, 51, 55A, 55B, 56, 57, 58, 61, 62, 66, 84, 121, 502, 504.
