Premer-mınıstr Oljas Bektenov úkimettegi brıfıń kezinde azamattardan jeke málimetterdiń taralýyna qatysty óz pikirin bildirdi. Onyńaıtýynsha, alaıaqtardyń áreketteri birden toqtamaıdy, alaıda naqty jumystar atqarylyp jatyr, dep habarlaıdy Azattyq Rýhy.

«Erteń-aq alaıaqtardyń qońyraýy toqtaıdy dep naqty aıta almaımyn. Biraq 67 mıllıon qońyraý buǵattalyp, olar azamattarǵa habarlasa almady», – dedi premer.

Bektenov 2022 jylǵy derekterdiń taralǵanyn rastady. Qazirgi tańda tergeý júrgizilip jatyr, qylmystyq is qozǵalǵan.

«Búginde tergeý organdary naqty tekserý jumystaryn júrgizip jatyr. Aldyn ala málimet boıynsha, derekter medısınalyq uıymdar arqyly tarap ketken bolýy múmkin. Olar memlekettik derekqorǵa qol jetkizip, ony saqtaı almaýy yqtımal», – dedi Bektenov.

Bektenov jeke derekterdiń qaýipsizdigin qamtamasyz etý úshin zańnamalyq jáne jedel sharalar qabyldanatynyn aıtty. Memlekettik derekqorlarǵa qol jetkizetin uıymdarǵa qoıylatyn talaptar kúsheıtilýi múmkin.

«Bul is boıynsha ázirge naqty qorytyndy joq. Biraq tergeý sońyna deıin jetkizilip, jaýapty tulǵalar anyqtalady. Olar mindetti túrde qylmystyq jaýapkershilikke tartylady», – dep jaýap berdi.