Tehnıkalyq jáne kásiptik bilim berý júıesin ınternasıonaldandyrý strategıasy aıasynda Qazaqstanda kadrlardy daıarlaý sapasyn arttyrý jáne otandyq kolejderdi jahandyq bilim berý keńestigine engizýge baǵyttalǵan 10 negizgi halyqaralyq bastama júzege asyrylyp jatyr, dep jazady bairaqmedia.kz.

Búgingi tańda Qytaı, Ońtústik Koreıa, Fransıa, Túrkıa, Japonıa, Ulybrıtanıa, Grýzıa jáne Reseı sıaqty segiz eldiń seriktesterimen 50-den astam memorandým jasaldy. Halyqaralyq jobalarǵa Almaty, Astana, Shymkent, Qostanaı, Qaraǵandy, Jambyl jáne Mańǵystaý oblystarynan 20-dan astam kolej qatysýda.

Eń kóp kelisimder Qytaı Halyq Respýblıkasymen jasalǵan. Yntymaqtastyq aıasynda Qazaqstan-Qytaı kásibı koleji qurylatyn bolady. Sondaı-aq balalar men jastarǵa arnalǵan ınovasıalyq bilim berý sheshimderin ázirleýge mamandanǵan KidsGo Technology Ltd tehnologıalyq kompanıasymen áriptestik bastaldy.

«Bul bastamalar – tehnıkalyq jáne kásiptik bilim berý júıesin Jumysshy mamandyqtar jyly aıasynda jańǵyrtýdyń mańyzdy qadamy bolyp tabylady. Olar halyqaralyq yntymaqtastyqty nyǵaıtýǵa, ozyq bilim berý tehnologıalaryn engizýge jáne qazaqstandyq túlekterdiń jahandyq eńbek naryǵyndaǵy básekege qabilettiligin arttyrýǵa yqpal etedi», — dedi QR Oqý-aǵartý mınıstrliginiń Tehnıkalyq jáne kásiptik bilim berý departamentiniń dırektory Aset Muhanbetov.