«Қазгидромет» баспасөз қызметі Қазақстан бойынша 2026 жылдың күзіне арналған ауа райының консультативтік болжамын ұсынды, деп хабарлады Вairaqmedia.kz.
Болжамға сәйкес, қыркүйек айында республиканың басым бөлігінде ауаның орташа айлық температурасы климаттық норма шамасында болады. Ал Батыс Қазақстан облысының басым бөлігінде, Атырау облысының батысында және Маңғыстау облысының батысында температура нормадан 1°С жоғары болуы мүмкін.
Қыркүйекте жауын-шашын мөлшері елдің басым бөлігінде норма шамасында болады деп болжанып отыр. Солтүстік Қазақстан, Павлодар, Батыс Қазақстан, Ақмола облыстарының басым бөлігінде, Атырау облысының солтүстік-батысында, Қостанай облысының солтүстік-шығысында, Қарағанды облысының қиыр солтүстігінде, Шығыс Қазақстан облысының солтүстік жартысында және Абай облысында жауын-шашын мөлшері нормадан көп болуы ықтимал.
Ал Қызылорда, Түркістан облыстарының басым бөлігінде, Маңғыстау облысының оңтүстік-шығысында, Ақтөбе облысының оңтүстігінде және Жамбыл облысының оңтүстік-батысында жауын-шашын мөлшері нормадан аз болады деп күтіледі.
Батыс Қазақстан облысы
Қыркүйектің екінші онкүндігінде түнгі ауа температурасы +11...+16°С-тан, облыстың солтүстігінде +6°С-тан +1...+6°С-қа дейін төмендейді. Топырақ бетінде -2°С-қа дейін үсік болуы мүмкін. Күндіз ауа температурасы +27...+32°С-тан +17...+22°С-қа дейін төмендейді. Онкүндіктің соңында күн қайта жылынады.
Үшінші онкүндікте түнгі температура +6...+11°С-қа, облыстың солтүстігінде +3°С-қа дейін көтеріледі. Күндіз +22...+27°С, солтүстікте +18°С болады. Кейін түнгі температура +1...+6°С-қа дейін төмендеп, солтүстікте -1°С-қа дейін үсік болуы ықтимал. Күндіз +17...+22°С шамасында болады.
Ақтөбе облысы
Үшінші онкүндіктің басында түнгі ауа температурасы +7...+12°С-қа, облыстың солтүстігінде +3°С-қа дейін көтеріледі. Күндіз +21...+26°С, солтүстікте +15°С болады.
Кейін түнгі температура +1...+6°С-қа дейін төмендеп, солтүстікте -3°С-қа дейін үсік күтіледі. Күндіз ауа температурасы +12...+17°С, облыстың батысында +20°С болады. Онкүндіктің соңында қайтадан жылынады.
Қостанай облысы
Бірінші онкүндікте түнгі ауа температурасы күрт төмендеп, +17...+22°С-тан +1...+6°С-қа дейін түседі. Топырақ бетінде -1°С-қа дейін үсік болуы мүмкін. Күндіз температура +31...+36°С-тан +15...+20°С-қа дейін төмендейді. Кейін қайтадан жылып, түнде +8...+13°С, күндіз +22...+27°С болады.
Екінші онкүндікте түнгі температура +1...+6°С-қа дейін төмендеп, топырақ бетінде -1°С-қа дейін үсік күтіледі. Күндіз +15...+20°С болады. Кейін ауа температурасы қайта көтеріліп, түнде +6...+11°С, күндіз +20...+25°С-қа жетеді.
Үшінші онкүндікте түнгі температура +1...+6°С-қа дейін төмендеп, облыстың солтүстік жартысында -3°С-қа дейін үсік болуы ықтимал. Күндіз +10...+15°С болады. Кейін ауа температурасы қайта көтеріледі.
Ақмола облысы
Бірінші онкүндікте түнгі температура +15...+20°С-тан +1...+6°С-қа дейін күрт төмендейді. Облыстың солтүстігі мен шығысында -2°С-қа дейін үсік болуы мүмкін. Күндіз ауа температурасы +27...+32°С-тан +13...+18°С-қа дейін түседі. Кейін қайта жылынады.
Екінші онкүндікте түнгі температура +10...+15°С-қа, күндіз +22...+27°С-қа дейін көтеріледі. Кейін қайта салқындап, түнде +1...+6°С, топырақ бетінде -1°С-қа дейін үсік, күндіз +13...+18°С күтіледі.
Үшінші онкүндіктің басында түнгі температура +1...+6°С-қа дейін төмендеп, облыстың солтүстігі мен орталығында -2°С-қа дейін үсік болуы мүмкін. Күндіз +6...+11°С болады. Кейін аздап жылынады.
Павлодар облысы
Бірінші онкүндікте түнгі температура +15...+20°С-тан +1...+6°С-қа дейін төмендейді. Топырақ бетінде -2°С-қа дейін үсік күтіледі. Күндіз ауа температурасы +27...+32°С-тан +12...+17°С-қа дейін түседі.
Екінші онкүндікте қайта жылып, түнде +9...+14°С, күндіз +21...+26°С болады. Кейін түнгі температура +2...+7°С-қа дейін төмендеп, топырақ бетінде -1°С-қа дейін үсік болуы ықтимал.
Үшінші онкүндікте ауа температурасы түнде +1...+6°С-қа дейін төмендеп, облыстың солтүстігінде -3°С-қа дейін үсік күтіледі. Күндіз +10...+15°С болады.
Ұлытау облысы
Үшінші онкүндіктің басында түнгі температура +1...+6°С аралығында болып, облыстың шығысында -3°С-қа дейін үсік болуы мүмкін. Күндіз ауа температурасы +10...+15°С-тан +15...+20°С-қа дейін өзгереді.
Қарағанды облысы
Бірінші онкүндікте түнгі температура +15...+20°С-тан +1...+6°С-қа дейін күрт төмендейді. Облыстың солтүстігінде -4°С-қа дейін үсік болуы мүмкін. Күндіз +27...+32°С-тан +13...+18°С-қа дейін төмендейді. Кейін қайтадан жылынады.
Екінші онкүндікте ауа температурасы көтеріліп, түнде +10...+15°С, күндіз +22...+27°С болады. Кейін түнде +2...+7°С-қа дейін төмендеп, топырақ бетінде -1°С-қа дейін үсік күтіледі.
Үшінші онкүндікте түнгі температура біртіндеп +1...+6°С-қа дейін төмендеп, облыстың солтүстігі мен орталығында -3°С-қа дейін үсік болуы мүмкін. Күндіз +8...+13°С, оңтүстікте +19°С болады.
Абай облысы
Бірінші онкүндікте түнгі температура +16...+21°С-тан +1...+6°С-қа дейін төмендейді. Батыста -1°С-қа дейін үсік болуы мүмкін. Күндіз ауа температурасы +28...+33°С-тан +10...+15°С-қа дейін түседі. Онкүндіктің соңында қайта жылынады.
Екінші онкүндікте түнде +11...+16°С, күндіз +21...+26°С-қа дейін жылынады. Кейін түнгі температура +3...+8°С-қа дейін төмендеп, топырақ бетінде -1°С-қа дейін үсік болуы ықтимал.
Үшінші онкүндікте алдымен күн жылынады. Кейін түнгі температура +1...+6°С-қа дейін төмендеп, облыстың солтүстігінде -4°С-қа дейін үсік күтіледі. Күндіз +8...+13°С болады.
Шығыс Қазақстан облысы
Бірінші онкүндікте түнгі температура +14...+19°С-тан +1...+6°С-қа дейін төмендейді. Батыс пен солтүстік-шығыста -1°С-қа дейін үсік болуы мүмкін. Күндіз +24...+29°С-тан +11...+16°С-қа дейін салқындайды.
Екінші онкүндікте ауа температурасы түнде +10...+15°С-қа, күндіз +20...+25°С-қа дейін көтеріледі. Кейін қайта суытып, түнде +1...+6°С, шығыста -1°С-қа дейін үсік күтіледі.
Үшінші онкүндікте түнгі температура +7...+12°С-қа дейін көтерілгенімен, кейін қайта төмендейді. Солтүстік-шығыста -4°С-қа дейін үсік, күндіз +4...+9°С болуы мүмкін.
Жамбыл облысы
Үшінші онкүндікте түнгі температура +9...+14°С-тан +1...+6°С-қа дейін төмендейді. Топырақ бетінде -2°С-қа дейін үсік болуы мүмкін. Күндіз +21...+26°С-тан +13...+18°С-қа дейін төмендейді. Таулы аудандарда түнгі температура -1°С-қа дейін түсіп, күндіз +8°С болады.
Алматы облысы
Бірінші онкүндікте түнгі температура +14...+19°С-тан +4...+9°С-қа дейін төмендейді. Күндіз +26...+31°С-тан +16...+21°С-қа дейін салқындайды. Таулы аймақтарда түнде -3°С-қа дейін үсік болуы мүмкін.
Екінші онкүндікте ауа температурасы қайта көтеріліп, түнде +8...+13°С, күндіз +22...+27°С болады. Кейін түнде +3...+8°С-қа дейін төмендейді. Таулы жерлерде -1...-6°С-қа дейін үсік күтіледі.
Үшінші онкүндікте түнгі температура +8...+13°С-тан +1...+6°С-қа дейін төмендейді. Топырақ бетінде -3°С-қа дейін үсік болуы мүмкін. Таулы аудандарда түнгі температура -1...-6°С-қа дейін түседі.
Жетісу облысы
Бірінші онкүндікте түнгі температура +14...+19°С-тан +3...+8°С-қа дейін, күндіз +28...+33°С-тан +17...+22°С-қа дейін төмендейді. Таулы аудандарда -2°С-қа дейін үсік болуы мүмкін.
Екінші онкүндікте күн қайта жылып, түнде +8...+13°С, күндіз +22...+27°С болады. Кейін түнгі температура +2...+7°С-қа дейін төмендеп, таулы аймақтарда -1°С-қа дейін үсік күтіледі.
Үшінші онкүндікте түнгі температура +1...+6°С-қа дейін төмендейді. Топырақ бетінде -3°С-қа дейін үсік болуы ықтимал. Таулы жерлерде түнде -1...-6°С-қа дейін, күндіз +1...+6°С-қа дейін төмендейді.
Астанада қыркүйектің басында ауа райы күрт салқындауы мүмкін. Түнгі температура +15...+20°С-тан +1...+6°С-қа дейін төмендеп, топырақ бетінде -2°С-қа дейін үсік күтіледі. Күндіз ауа температурасы +27...+32°С-тан +13...+18°С-қа дейін түседі. Кейін қайта жылып, түнде +5...+10°С, күндіз +17...+22°С болады.
Екінші онкүндікте тағы бір жылыну күтіледі: түнде +10...+15°С, күндіз +22...+27°С. Одан кейін қайта салқындап, түнде +1...+6°С, топырақ бетінде -2°С-қа дейін үсік болуы мүмкін. Күндіз +13...+18°С болады.
Үшінші онкүндіктің басында тағы да күрт суыту болжанып отыр. Түнде ауа температурасы +1...+6°С-қа, күндіз +6...+11°С-қа дейін төмендейді. Кейін аздап жылып, түнде +5...+10°С, күндіз +11...+16°С болады.
Қыркүйекте Астанада жауын-шашын мөлшері нормадан жоғары болады деп күтіледі. Бірінші онкүндіктің басы мен ортасында, екінші онкүндіктің ортасында және үшінші онкүндіктің басында жаңбыр жауып, желдің екпіні 15-20 м/с-қа дейін күшеюі мүмкін. Екінші және үшінші онкүндіктің соңында тұман, екінші онкүндіктің ортасы мен үшінші онкүндіктің басында бұршақ болуы ықтимал. Үшінші онкүндіктің басында қатты жел соғуы мүмкін.
Алматыда қыркүйек айындағы ауаның орташа температурасы +17,5°С болады деп болжанып отыр.
Бірінші онкүндікте түнгі температура +14...+19°С-тан +4...+9°С-қа дейін, күндіз +26...+31°С-тан +16...+21°С-қа дейін төмендейді.
Екінші онкүндікте ауа температурасы көтеріліп, түнде +8...+13°С, күндіз +22...+27°С болады. Кейін қайта салқындап, түнде +3...+8°С, күндіз +15...+20°С күтіледі. Онкүндіктің соңында қайта жылынуы мүмкін, тұман болжанып отыр.
Үшінші онкүндікте біртіндеп салқындау күтіледі. Түнгі температура +8...+13°С-тан +1...+6°С-қа дейін төмендеп, топырақ бетінде -1°С-қа дейін үсік болуы мүмкін. Күндіз ауа температурасы +20...+25°С-тан +12...+17°С-қа дейін төмендейді.
Алматыда қыркүйектегі жауын-шашын мөлшері норма шамасында болады. Ай бойы қысқа мерзімді жаңбыр жаууы мүмкін. Екінші онкүндіктің басында қатты жел күтіледі.
