Ресейдің Брянск облысындағы Брасово ауылында әйелдің өліміне қатысты қылмыс ашылды. Марқұмның денесі сегіз ай бойы сандықта жасырылған. Адам өлтірді деген айып ерлі-зайыптыға тағылды, деп хабарлайды Bairaqmedia.kz.
Тергеу нұсқасына сәйкес, қайғылы оқиға 2026 жылғы 8-інен 9 ақпанға қараған түні Первомайская көшесіндегі үйлердің бірінде болған. Ерлі-зайыпты өздерінің таныс әйелін қонаққа шақырған. Бірге ішімдік ішіп отырған кезде олардың арасында жанжал туындаған.
Тергеушілердің мәліметінше, ерлі-зайыпты әйелді ұрып-соққан. Оған басынан кемінде алты рет жұдырықпен, ішінен төрт рет аяқпен соққы жасалған. Алған жарақаттарынан әйел оқиға орнында көз жұмған.
Осыдан кейін күдіктілер марқұмның денесін сандыққа жасырып, Ресейдің басқа өңірлеріне кетіп қалған. Құқық қорғау органдары олардың орналасқан жерін анықтап, екеуін де ұстаған. Қазір олар қамауға алынған.
16 қазанда Ресей Тергеу комитеті тергеу әрекеттерінің видеосын жариялады. Кадрларда марқұмның сүйегі табылған үй мен сандық көрсетілген. Айыпталушылар жауаптарын тексеру үшін оқиға орнына жеткізілген.
Қазіргі уақытта қылмыстық іс бойынша тергеу жалғасып жатыр.
