Щучинскте дәмханада жарылыс болып, жеті адам көз жұмды

09:00, 27 ақпан 2026 31

Фото: видеодан скриншот

27 ақпанға қараған түні Щучинск қаласындағы "Центр плова" деп аталатын дәмханада газ баллоны жарылды, деп хабарлайды bairaqmedia.kz.

Соның салдарынан өрт шығып, жеті адам қаза тапты. Тағы 19 адам зардап шекті.

Ақмола облысы ТЖД хабарлауынша, жарылыс бес қабатты ғимаратқа жапсарлас салынған дәмханада болған.

Сондай-ақ ғимараттан сегіз газ баллоны шығарылған.

Қазіргі уақытта 13 адам ауруханада жатыр, алтауы үйіне жіберілді.

Біздің Telegram арнамызға жазылып, соңғы ақпаратты оқыңыз. Егер хабарлама жолдағыңыз келсе, WhatsApp-қа жазыңыз.