Жоспарланған төрт тұрғын үйдің екеуі әлі аяқталмаған. Алматы облысы әкімінің орынбасары Әсет Масабаев атышулы тұрғын-үй кешені аумағында көшпелі кеңес өткізіп, мәселені шешу жолдарын талқылады деп хабарлайды bairaqmedia.kz

Мердігер мен үлескерлер арасында тек ниет хаттамаларына қол қойылғаны анықталған. 

Әсет Масабаев құрылыс жұмыстары заң аясында аяқталуы тиіс екенін атап өтті. Құрылыс компаниясы тұрғын үйлердің құрылысын аяқтап, оларды пайдалануға беру міндетін өз мойнына алды. Әкімдік өз тарапынан инженерлік инфрақұрылым бойынша қажетті қолдау көрсетпек. Алайда, құрылысты аяқтау мердігердің жауапкершілігінде қалады.

Жанатұрмыс ауылының Бас жоспарына сәйкес, кешен аумағы көпқабатты тұрғын үйлер, таунхаустар және мектеп салуға арналған екен.

Жұмыс кездесуі барысында Әсет Масабаев құрылыс жұмыстарын орындау бойынша жол картасын әзірлеп, бекітуді, сондай-ақ олардың іске асырылу кестесін айқындауды тапсырды.

Үлескерлермен ашық диалог орнатып, бақылауды қамтамасыз ету мақсатында әр апта сайын жиын өткізу туралы шешім қабылданды. Бұл кездесулерде жол картасының орындалу барысы мен жобаны іске асыруға қатысты өзекті мәселелер талқылбақ.