Ақмола облысында жоғалып кеткен баланың денесі ашық құдықтан табылды. Алдын ала мәлімет бойынша, зорлық-зомбылық белгілері анықталмаған, деп хабарлайды Вairaqmedia.kz.
2026 жылғы 8 қазанда Көкшетау қаласының полиция кезекші бөліміне кәмелетке толмаған баланың жоғалғаны туралы хабар түскен.
Іздеу жұмыстарына полиция қызметкерлері мен Төтенше жағдайлар департаментінің күштері жұмылдырылған. Іздеу барысында бала ашық құдықтан табылған.
«Алдын ала мәлімет бойынша, зорлық-зомбылық белгілері анықталған жоқ», – деп хабарлады полиция.
Аталған факті бойынша қылмыстық іс қозғалды. Қазір оқиғаның мән-жайы анықталып, тиісті тексеру жүргізіліп жатыр.
Тергеу мүддесіне және жеке деректерді қорғау мақсатында өзге ақпарат жарияланбайды.
