Қазақстандық семсерлесуші Нұрмұхаммед Жайлыбай Бразилияда өтіп жатқан жасөспірімдер мен кадеттер арасындағы әлем чемпионатында қылыш сайысынан қола жүлдегер атанды, деп хабарлайды bairaqmedia.kz.
Спорт және дене шынықтыру істері комитетінің хабарлауынша, бұл жүлде – аталған жас санатындағы жаһандық доданың жеке сайысы бойынша Қазақстан тарихындағы алғашқы медаль.
Жарыстағы жолы:
1/64 финал. Тиам Кодэ (Сенегал) – 15:9
1/32 финал. Даниэль Беркезчи (Венгрия) – 15:6
1/16 финал. Мотоки Кавахара (Жапония) – 15:11
1/8 финал. Ярослав Борисов – 15:14
1/4 финал – Патурзо Гонсалес (АҚШ) – 15:13
Жартылай финалда отандасымыз қазіргі Еуропа чемпионы әрі FIE әлемдік рейтингінің көшбасшысы Фуркан Яманмен (Түркия) кездесті. Тартысты өткен жекпе-жекте спортшы 13:15 есебімен есе жіберіп, тарихи қола медальді иеленді.
