Үкімет отырысында Ауыл шаруашылығы министрі Айдарбек Сапаров агроөнеркәсіптік кешенді қаржыландыру тәсілдері туралы айтты, деп хабарлайды Bairaqmedia.kz.

Оның айтуынша, 2024 жылы жылдық 5% жеңілдікті кредиттік өнімдерді енгізу фермерлерге қажетті тауарлық-материалдық құндылықтарды толық көлемде сатып алуға, жылдық 5% қолжетімді сыйақы мөлшерлемесі бойынша ауыл шаруашылығы техникасын лизингке алуға мүмкіндік берді. 

Нәтижесінде 5,8 млн гектар алаңды немесе жалпы егіс алқабының 25% қамту, қазақстандық өндірістің 4300 ауыл шаруашылығы техникасын сатып алуды қамтамасыз етілді.

Жалпы, жеңілдікті лизинг бағдарламасының арқасында ауыл шаруашылығы техникасы паркін жаңарту 5,5%  құрады. Кепілдік беру бағдарламасын енгізу есебінен кепіл базасы жеткіліксіз фермерлер үшін жеңілдік несиелендіруге қолжетімділік көктемгі егіс жұмыстарының қарыз сомасының 85% мөлшерінде кеңейтілді. 35 млрд теңге сомасына айналым қаражатын толықтыруға қайта өңдеу зауыттарына жеңілдікпен кредит беру бағдарламасы іске қосылды.

Биыл барлық бағыттар бойынша жұмыс күшейтіледі.

«Көктемгі егіс жұмыстарын жеңілдетілген несиелеу көлемі – 700 млрд теңге. 206 млрд теңгеге 1,8 мыңнан астам АШТӨ қаржыландыруды алды. Бұл кемінде 8 млн гектар егіс алқабын қамтуды қамтамасыз етуге мүмкіндік береді. Сондай-ақ, қарыз сомасының 85% мөлшерінде кепілдік беру бағдарламасын іске асыру жалғастырылатын болады. Жеңілдікті лизинг 200 млрд теңге болады, бұл отандық өндірістің 6 мың ауыл шаруашылығы техникасын сатып алуға мүмкіндік береді. Қазірдің өзінде 3,2 мың фермерден 130 млрд теңгеге 5 мың дана ауыл шаруашылығы техникасын сатып алуға өтінімдер келіп түсті», - деді Айдарбек Сапаров.

Сондай-ақ, министр мемлекет басшысының тапсырмасы бойынша көктемгі егіс жұмыстарына ұқсас мал шаруашылығы үшін айналым қаражатын толықтыруға 50 млрд теңгеге жеңілдетілген несиелеу іске қосылатынын атап өтті.

Бұдан басқа, АШМ СҚО тәжірибесін тираждау бағдарламасы шеңберінде басымдықты қайта қарау ұсынылады. 

«2024 жылы инвестициялық бағыттардың тізбесі өзектендірілді. Ағымдағы жылы импортқа тәуелділікті төмендету мақсатында 141 инвестициялық жоба іске асырылатын болады. Мемлекет басшысының тапсырмасы бойынша жеңілдікті кредиттеуге көшу бойынша инвестициялық жобалар бойынша басым бағыттарды қамти отырып, 2026 жылдан бастап қаржы институттарын тікелей субсидиялау тетігін кеңейту, яғни жеңілдікті «ұзақ» кредиттік қаражат беру мәселесі пысықталуда. Аталған бастамалардың барлығы АӨК-нің тұрақты дамуын нығайтуға, сондай-ақ Президенттің субсидиялаудан жеңілдікті кредиттеуге көшу жөніндегі тапсырмасын орындауға бағытталған», - деп түйіндеді министр.