Ақмола облысында ситетикалық есірткі дайындайтын зертхана анықталды, деп хабарлайды Bairaqmedia.kz.

Тінту барысында шамамен 200 грамм синтетикалық есірткі, 150 килограмм химиялық прекурсорлар, тыйым салынған заттарды дайындауға арналған әртүрлі зертханалық жабдықтар, 9 млн теңгеден астам қаражат, сондай-ақ 2 дана қару тәркіленді. 42 жастағы ұйымдастырушы мен оның сыбайласы уақытша ұстау изоляторына қамалды.

Тәркіленген заттар бойынша тиісті сараптамалар тағайындалды. 

Аталған факт Қазақстан Республикасы Қылмыстық кодексінің 297-1-бабы 3-бөлігімен, яғни аса ірі мөлшерде есірткі құралдарын заңсыз дайындау, қайта өңдеу, өндіру және сату бойынша сотқа дейінгі тергеп-тексерудің бірыңғай тізіліміне тіркелді, - делінген хабарламада.

Көрсетілген баптың санкциясы мүлікті тәркілеумен бірге 15 жылға дейін бас бостандығынан айыру жазасын көздейді.

Қылмыстық істі тергеу барысы бақылауға алынды, жедел-тергеу шаралары жүргізіліп жатыр.