Тұрсынбек Қабатовтың екінші жары Айманның мүддесін қорғау бойынша сот ісі жалғасуда, деп хабарлайды bairaqmedia.kz.

Адвокат әлеуметтік желіде мәлімдеме жасап, интернетте тараған жалған ақпарат пен ар-намысқа нұқсан келтіретін мәліметтерге қатысты шаралар қабылданып жатқанын хабарлады.

Қазіргі таңда үш іс оң шешіммен аяқталған: тұлғалар әкімшілік жауапкершілікке тартылып, моральдық зиян үшін өтемақы өндірілген. Тағы бес іс сотта қаралуда.

Адвокат атап өткендей, анонимді немесе жалған аккаунттардан шыққан мәліметтердің авторы сот арқылы анықталуы мүмкін. Пікір білдіру еркіндігі ар-намыс пен қадір-қасиетті қорлауға жол бермейді.

Жалған ақпаратқа куә болған азаматтардан құқықтық бағалау үшін дәлелдерді жолдауды сұрайды.