قازاقستان ۇلتتىق قاۋىپسىزدىك كوميتەتى شەت مەملەكەتتەردىڭ قۇقىق قورعاۋ ورگاندارى جانە ارنايى قىزمەتتەرىمەن بىرلەسىپ، شىعىس ازيا ەلدەرى ارقىلى وتەتىن ەسىرتكى كونترابانداسىنىڭ حالىقارالىق ارناسىن جويدى، دەپ حابارلايدى Bairaqmedia.kz.
اقپاراتقا سايكەس، بىرلەسكەن ارنايى وپەراسيا بارىسىندا 10 كەلىدەن استام مەتامفەتامين تاركىلەنگەن. بۇل سينتەتيكالىق ەسىرتكى باراتىن ەلدەگى قارا نارىقتا 2،4 ملن اقش دوللارىنا باعالانادى.
اتالعان فاكت بويىنشا شەتەلدىك سەرىكتەستەر سوتقا دەيىنگى تەرگەۋ جۇرگىزىپ جاتىر.
ۇقك مالىمەتىنشە، ەسىرتكى ساۋداسىنىڭ حالىقارالىق ارنالارى بويىنشا جۇمىستار جالعاسىپ جاتىر.
