الماتى وبلىسى تالعار اۋدانىندا تاعى دا اتىس بولدى. بۇل تۋرالى اقپارات الەۋمەتتىك جەلىدە تارادى دەپ حابارلايدى bairaqmedia.kz

الماتى وبلىسى پوليسيا دەپارتامەنتى اتالعان جاعدايعا بايلانىستى قىلمىستىق ءىس قوزعالعانىن حابارلادى. اتىستان 4 ادام جاراقات الىپ، ءقازىر اۋرۋحانادا جاتىر. ال، ءبىر ادام ۋاقىتشا ۇستاۋ يزولياتورىنا قامالعان.

قابىلدانعان شارالار ناتيجەسىندە وقيعاعا قاتىسۋشىلاردىڭ ءبارى انىقتالدى. اۋرۋحاناعا جەتكىزىلگەن ءتورت كۇدىكتىنى پوليسيا كۇزەتىپ تۇر. ءبىر ايىپتالۋشى ۋاقىتشا ۇستاۋ يزولياتورىنا قامالدى، – دەلىنگەن الماتى وبلىسى پوليسيا دەپارتامەنتىنىڭ حابارلاماسىندا.

اتىسقا قاتىسقان قالعان ادامداردى ءقازىر پوليسەيلەر ىزدەپ جاتىر ەكەن.