قازاقستان رەسپۋبليكاسىنىڭ باس پروكۋراتۋراسى، ىشكى ىستەر مينيسترلىگى جانە سىرتقى ىستەر مينيسترلىگىنىڭ بىرلەسىپ، اسا ءىرى كولەمدە الاياقتىق جاساعانى ءۇشىن قىلمىستىق جاۋاپكەرشىلىككە تارتۋ ماقساتىندا قازاقستان ازاماتىن پولشادان ەكستراديسيالادى، دەپ حابارلايدى Bairaqmedia.kz.

اقپاراتقا سايكەس، ول 2023 جىلى پولشادان ەكى جۇك كولىگىن الىپ كەلۋگە ۋادە بەرىپ، جابىرلەنۋشىنىڭ 45 ميلليون تەڭگە كولەمىندەگى قاراجاتىن يەمدەنىپ، ءوز مىندەتتەمەلەرىن ورىنداماي، يەمدەنگەن قاراجاتپەن جاسىرىنعان دەگەن كۇدىككە ءىلىندى.

بيىل اقپاندا ول بودزەنتىن قالاسىندا ۇستالىپ، قازاقستان رەسپۋبليكاسى باس پروكۋراتۋراسىنىڭ سۇراۋ سالۋى بويىنشا وتانىنا ەكستراديسيالاندى.

ءقازىر ول ۇستاۋ يزولياتورىنا قاماققا الىندى.

ايىپتالعان قىلمىستى جاساعانى ءۇشىن مۇلكى تاركىلەنىپ، بەس جىلدان ون جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.