الەۋمەتتىك جەلىدە بەلگىلى اكتەر، شانشار تەاترىنىڭ ديرەكتورى ۋاليبەك ءابدىرايىموۆتىڭ قايتىس بولعانى تۋرالى اقپارات تاراعان بولاتىن. اكتەر بۇل اقپاراتتىڭ جالعان جالعان ەكەنىن مالىمدەدى، دەپ حابارلايدى bairaqmedia.kz.

الەۋمەتتىك جەلىدە جاريالانعان حاباردا ۋاليبەك ءابدىرايىموۆتىڭ "جول اپاتىنا" ۇشىراعانى جايلى اقپارات ايتىلعان.

«قازاق ونەرى قارا جامىلدى. بەلگىلى اكتەر، شانشار تەاترىنىڭ ديرەكتورى ۋاليبەك ءابدىرايىموۆ كولىك اپاتىنان قايتىس بولدى، دەپ حابارلايدى شىمكەنت وبلىستىق تەاترى باسپا ءسوز حاتشىسى عاليا وسەربايەۆا. قارالى حاباردى شاكىرتى عالىمجان قالىبايەۆ ءوزىنىڭ ينستاگرام پاراقشاسىنا سالىپ، ۋاليبەك ءابدىرايىموۆ اق كوڭىلدى كىسى ەدى دەپ جازدى. قايعىلى وقيعا بۇگىن ساعات 17:30-دا شىمكەنت قالاسىندا ءبىر قىزدى كۇشتەپ، زورلىقپەن الىپ قاشىپ بارا جاتقان ۋاليبەك ءابدىرايىموۆتىڭ جوعارى جىلدامدىقپەن جۇرگەن كولىگى، جولدان تايىپ كەتكەن»، - دەلىنگەن جەلىدە تاراعان اقپاراتتا. 

ال اكتەر ءوزىنىڭ "ولىمىنە" قاتىستى پىكىر ءبىلدىردى.

«مەن باتىس ەۋروپادا جۇرسەم، بىرەۋ مەنى ءولتىرىپ قويىپتى. مەن وزىمە جانزانى، جەتىسىن ايتپاعانىنا وكپەلەدىم. سولاي ءقازىر شۋلاپ جاتىر ەكەن. ءقازىر شەتەلگە كەلدىم. كەشە گەرمانيادا بولعانمىن. ءوزىم قورقىپ كەتتىم، ءتىرىمىنبا الدە ءولىمىنبا دەپ»، - دەيدى اكتەر.