جاستاردىڭ سۇيىكتى ءانشىسى ميراس جۇگىنىسوۆ تۋعان اعاسى رۇستەم جۇگىنىسوۆتىڭ جەلىدە ايتقان پىكىرىمەن كەلىسپەيتىنىن مالىمدەدى، دەپ حابارلايدى bairaqmedia.kz.
ءانشى وتباسىنىڭ بارلىق مۇسەشىسىن قۇرمەتتەيتىنىن، الايدا كوزقاراستارى بىردەي ەمەس ەكەنىن اتاپ ءوتتى.
«سوڭعى كۇندەرى اعامنىڭ ايتقان پىكىرى قوعامدا ۇلكەن پىكىرتالاس تۋدىرىپ، كەيبىر جانداردىڭ كوڭىلىنە ءتيىپ جاتىر. ول ءوز ويىن بىلدىرگەن جەكە تۇلعا. مەن ءوز جولىم، ءوز ۇستانىمىم بار اداممىن. مەن وتباسىمنىڭ ءار مۇشەسىن قۇرمەتتەيمىن، ءبىراق ولاردىڭ جەكە كوزقاراستارى مەنىڭ ويىممەن ءاردايىم سايكەس كەلە بەرمەيدى. سول ءۇشىن دە كەيبىر كەزدە ماسەلەلەر تۋىندايدى. ولاردى وسىلاي ايتىپ وتىرامىن دەپ ويلامادىم. نە ايتقىم كەلگەنىن سىزدەر ءتۇسىنىپ وتىرسىزدار دەپ ويلايمىن»، - دەپ جازدى ءانشى.
ول ءوزىنىڭ شىعارماشىلىعى ماحاببات، ادامگەرشىلىك جانە قۇرمەت جايلى، اندەرىنىڭ كوبى ءدال نازىك جاندىلارعا ارنالعانىن ايتتى.
«ويتكەنى، ايەل جانىنىڭ بۇل ومىردە ورنى مەن ءۇشىن ەرەكشە. سوندىقتان، بۇل جاعدايدان كوڭىلى قالعان بارشا جاندان كەشىرىم سۇرايمىن. سىزدەردىڭ سەنىمدەرىڭىز مەن ءۇشىن وتە ماڭىزدى»، - دەپ جازدى ول.
