2 تامىز ساعات 02:00-دەن ساعات 06:00-گە دەيىن كەيبىر مەملەكەتتىك ەلەكتروندى سەرۆيستەردىڭ جۇمىسى شەكتەلەدى، دەپ حابارلايدى bairaqmedia.kz "ۇلتتىق اقپاراتتىق تەحنولوگيالار" كومپانياسىنىڭ باسپا ءسوز قىزمەتىنە سىلتەمە جاساپ.
"تەحنيكالىق جۇمىستار 2025 جىلعى 2 تامىز ساعات 02:00-دەن ساعات 06:00-گە دەيىن جۇرگىزىلەدى. بۇل ۋاقىت ارالىعى پايدالانۋشىلاردىڭ بەلسەندىلىگى ەڭ تومەن كەز ەكەنى ەسكەرىلە وتىرىپ تاڭدالدى، بۇل قولايسىزدىقتاردى بارىنشا ازايتۋعا مۇمكىندىك بەرەدى"، - دەلىنگەن حابارلامادا.
وسى كەزەڭدە كەلەسى مەملەكەتتىك ەلەكتروندىق سەرۆيستەردىڭ جۇمىسى ۋاقىتشا شەكتەلەدى:
- eGov.kz پورتالى مەن eGov Mobile ءموبيلدى قوسىمشاسى ("سيفرلىق
قۇجاتتار" سەرۆيسىن قوسا العاندا)؛
- e-Otinish، E-license پورتالدارى جانە اشىق ۇكىمەت جۇيەلەرى؛
- قازاقستان رەسپۋبليكاسىنىڭ ۇلتتىق كۋالاندىرۋشى ورتالىعى (ۇكو)
سەرۆيستەرى؛
- "ۇات" اق سۇيەمەلدەيتىن وزگە دە جوبالار؛
- ەلەكتروندىق ۇكىمەت ءشليۋزى ارقىلى ينتەگراسيالانعان ەكىنشى دەڭگەيلى بانكتەردىڭ ءموبيلدى قوسىمشالارىنداعى جانە باسقا جۇيەلەردەگى مەملەكەتتىك قىزمەت كورسەتۋ سەرۆيستەرى.
وسىعان بايلانىستى "ۇات" اق بارلىق قاجەتتى وپەراسيانى الدىن الا اياقتاۋدى جانە تەحنيكالىق جۇمىستار كەزىندە قۇجات كورسەتۋ قاجەت بولعان جاعدايدا ولاردىڭ ءتۇپنۇسقالارىن دايىنداۋدى ۇسىنادى.
