الەۋمەتتىك جەلىلەردە كۇتپەگەن جەردەن اقش پرەزيدەنتى دونالد ترامپتىڭ قايتىس بولعانى تۋرالى حابار تاراپ، بۇكىل ينتەرنەتتى شۋلاتتى. #TrumpIsDead حەشتەگى X (Twitter) جەلىسىندە بىردەن ترەندكە شىعىپ، ونداعان مىڭ ادام وسى تاقىرىپتا جازبا جاريالادى، دەپ جازادى Ozgeris.info. 

الايدا بۇل مالىمەت شىندىققا جاناسپادى. اق ءۇي وكىلدەرى دەرەۋ تۇسىنىكتەمە بەرىپ، ترامپتىڭ جاعدايى جاقسى ەكەنىن ايتتى. امەريكالىق جۋرناليست باراك راۆيدكە بەرگەن سۇحباتىندا ءاتى-جونىن اتاماعان قىزمەتكەر:

«پرەزيدەنتتىڭ جاعدايى جاقسى. ول بۇگىن تاڭەرتەڭ گولف ويناپ ءجۇر»،  دەدى.

اقش ءباسپاسوزىنىڭ جازۋىنشا، مەملەكەت باسشىسى تاڭەرتەڭ كورتەجبەن شىعىپ، اق پولو جەيدە مەن قىزىل بەيسبولكا كيىپ جۇرگەنى بايقالعان. ءبىراق بۇل ءساتتىڭ سۋرەتتەرىن اق ءۇي رەسمي تۇردە جاريالاعان جوق.

قاۋەسەت قالاي شىقتى؟ ساراپشىلاردىڭ پىكىرىنشە، بۇل اڭگىمەلەر ترامپتىڭ دەنساۋلىعىنا قاتىستى بۇرىننان كەلە جاتقان الىپقاشپا سوزدەرمەن، ورىنباسارى دجەي دي ۆەنستىڭ سوڭعى مالىمدەمەلەرىمەن جانە «سيمپسوندار» مۋلتسەريالىنا قاتىستى ينتەرنەتتەگى ازىلدەرمەن توعىسىپ كەتكەن. سونىڭ سالدارىنان جەلىدە جالعان اقپارات ۆيرۋستىق ترەندكە اينالدى.

اقيقات قانداي؟ شىندىعىندا، ترامپ ءتىرى جانە ادەتتەگىدەي ءوزىنىڭ سۇيىكتى ءىسى – گولفپەن اينالىسىپ ءجۇر. ياعني الەۋمەتتىك جەلىلەردەگى «قايعىلى حاباردىڭ» ەشقانداي رەسمي نەگىزى جوق.

بۇل جاعداي تاعى ءبىر مارتە ينتەرنەت قاۋەسەتتەرىنىڭ قانشالىقتى جىلدام تارايتىنىن جانە قوعامدى دۇرلىكتىرە الاتىنىن كورسەتتى.