الەۋمەتتىك جەلىدە الماتىداعى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى باقىتحان باكيربايەۆتىڭ سوت وتىرىسى كەزىندە قولىمەن بەلگى كورسەتكەن ءساتى تارادى. جەلى قولدانۋشىلارى سۋديانىڭ ساۋساقپەن كورسەتكەن يشاراسىن «تورعا» نەمەسە «حەشتەگكە» ۇقساتتى، دەپ حابارلايدى Qazaq Today.
سوتتىڭ مالىمەتىنشە، بۇل وقيعا 2024 جىلى وتكەن پروسەسستە بولعان. ول كەزدە اتىشۋلى قىلمىستىق ءىس بويىنشا ءۇش ايىپتالۋشىعا قاتىستى بۇلتارتپاۋ شاراسىن وزگەرتۋ تۋرالى ءوتىنىش قارالىپ جاتقان.
تاعى وقىڭىز: بەردەنوۆ ءىسى: سوت وتىرىسىندا كۇتپەگەن وقيعا بولدى (ۆيدەو)
«سوت وتىرىسىندا قاتىسۋشىلاردىڭ ءبىرى زالدان شىعىپ كەتپەك بولدى. سول كەزدە سۋديا مۇنداي ارەكەتتىڭ جول بەرىلمەيتىنىن يشارامەن ەسكەرتتى. ويتكەنى ءدال سول ساتتە قاماۋعا الۋ تۇرىندەگى بۇلتارتپاۋ شاراسىن قولدانۋ ماسەلەسى تالقىلانىپ جاتقان. ياعني كورسەتىلگەن يشارا تەك قانا ءتارتىپتى ساقتاۋ مەن پروسەستىڭ ءتيىستى ءوتۋىن قامتاماسىز ەتۋ ماقساتىندا جاسالدى»، – دەلىنگەن سوت حابارلاماسىندا.
سونىمەن قاتار اتالعان ءىستى قاراۋ بارىسىندا سۋديانىڭ ارەكەتىنە بايلانىستى بىرنەشە شاعىم تۇسكەنى ايتىلدى. سۋديالىق ادەپ جونىندەگى كوميسسيا ول شاعىمداردى قاراپ، سۋديانىڭ كەيبىر ارەكەتتەرىنە قوعامدىق سوگىس جاريالاعان.
