الماتىدا ەر ادام وتباسىلىق جانجال كەزىندە ايەلىن ءولتىرىپ، كەيىن وز-وزىنە قول سالدى، دەپ حابارلايدى bairaqmedia.kz.

وقيعا تۋرالى اقپارات الەۋمەتتىك جەلىدە تارادى. قايعىلى وقيعا دۋمان ىقشاماۋدانىندا بولعان.

40 جاستاعى ەر ادام 38 جاستاعى ايەلىن پىشاقتاپ ءولتىرىپ، كەيىن الماتى وبلىسىنداعى تۋىستارىنا بارعان سوڭ وز-وزىنە قول جۇمساعان.

الماتىداعى پاتەردە ايەلدىڭ ءمايىتىن ونىڭ تۋىسى تاۋىپ العان.

بۇل دەرەكتى الماتى پوليسيا دەپارتامەنتىنىڭ باسپا ءسوز قىزمەتى Kazinform تىلشىسىنە راستادى.

— كىسى ءولتىرۋ فاكتىسى بويىنشا مەدەۋ اۋداندىق پوليسيا باسقارماسىنا قاراستى پوليسيا ءبولىمى قىلمىستىق ءىس قوزعادى. الدىن الا مالىمەتتەرگە سايكەس، قىلمىس وتباسىلىق جانجال سالدارىنان بولعان. ەر ادام ايەلىمەن جانجالداسىپ، وعان پىشاق جاراقاتىن سالعان. كەيىن وزىنە قول جۇمساعان، — دەلىنگەن حابارلامادا.

قازىرگى ۋاقىتتا وقيعانىڭ باسقا دا ءمان-جايى انىقتالىپ جاتىر.