ينتەرنەت دامىعان زاماندا بالانى جات اعىمداردىڭ جەتەگىندە قورعاۋ جولدارىن تۇركىستان وبلىسى ءدىن ىستەرى باسقارماسىنىڭ «ءدىن ماسەلەلەرىن زەرتتەۋ ورتالىعىنىڭ» مامانى ءالىم شاۋمەتوۆ جىپكە ءتىزدى، - دەپ حابارلايدى bairaqmedia.kz

ونىڭ ايتۋىنشا، كوبىندە اتا-انالار جۇمىستاستى بولعاندىقتان، بالانىڭ تەلەفون ارقىلى نە كورىپ جاتقانى باقىلاۋسىز قالادى. سوندىقتان، اتا-انالار كۇندەلىكتى ۇل-قىزدارىنىڭ اقپاراتتىق كەڭستىگىن قاداعالۋى ءتيىس.

بۇگىنگى كۇنى ينتەرنەت ءاربىر ۇيدە بار. كۇنى بويى ءبىز جۇمىستاسىز. مىنا بالالارىمىز ەمىن-ەركىن. ينتەرنەتكە كىرە مە، تەلەفونعا كىرە مە، ءوز ەرىكتەرى. سوندىقتان، ءبىز كەشكە جۇمىستان شىققاننان كەيىن ءبىر كورىپ شىعۋىمىز كەرەك. تەكسەرۋىمىز كەرەك. بۇگىن كۇنى بويى مىنا بالا قايدا كىردى. قانداي سايت كوردى. اداسپاۋ ءۇشىن دەسەڭىزدەر، - دەدى ءالىم شاۋمەتوۆ.

اسىرەسە، بالالاردىڭ مىنەز-قۇلقى وزگەرە باستاسا، بۇعان كوز جۇما قاراماعان ءجون ەكەن. سونداي-اق، دىنگە بەت بۇرعان كەز-كەلگەن جاستاعى ادامنىڭ كاسىبي مامانداردىڭ كومەگىنە جۇگىنگەنى ابزال.

ەگەر دە بالالارىمىز، تۋىسقاندارىڭىز بىرەۋ ناماز وقىعىسى كەلىپ جاتىر، مىنا يسلام ءدىنىن بىلگىم كەلەدى دەپ جاتسا، بىلەمىن دەپ بىرەۋلەرمەن كەزدەسىپ جۇرسە، بۇل كىممەن كەزدەسىپ ءجۇر، قاي مەشىتكە بارىپ ءجۇر، قانداي كىتاپ وقىپ ءجۇر، سوعان ءبىز نازار اۋدارۋىمىز كەرەك. كورىپ تۇرسىز، بالانىڭ مىنەزى وزگەرىپ جاتىر. نەشە ءتۇرلى كوفليكتتار باستالىپ جاتىر. مىنا دوستارىمەن، اتا-اناسىمەن تۇسىنىسپەۋشىلىك بولىپ جاتىر. وسى كەزدە ماماندارعا بارىڭىزدار، حابارلاسىڭىزدار. قۇدايعا شۇكىر، بۇگىنگى كۇنى ءبىزدىڭ ەسىكتەرىمىز اشىق. ءاربىر مەشىتتە ءقازىر سايت بار. ۇكىمەتتىك ەمەس ۇيىمدار بار. اكىمدىكتىڭ تەولوگتارى بار. ءبىزدىڭ تەولوگتار بار. ەسىگىمىز اشىق ءارقاشان دا. ءوزىمىزدىڭ بىلىمىمىزبەن بولىسۋگە، اڭگىمەلەۋسۋ، ءبىز ءارقاشان دا دايىنبىز، - دەدى تۇركىستان وبلىسى ءدىن ىستەرى باسقارماسىنىڭ «ءدىن ماسەلەلەرىن زەرتتەۋ ورتالىعىنىڭ» مامانى.