«استانا كونسەرت» كومپانياسىنىڭ پروديۋسەرى ماليك حاسەنوۆ قازاقستانعا الەمگە ايگىلى ءانشى شاكيرا كەلۋى مۇمكىن ەكەنىن مالىمدەدى، دەپ حابارلايدى bairaqmedia.kz.
ول الدىمەن بارشا كورەرمەندەر مەن استانا قالاسىنىڭ تۇرعىندارىنا دجەننيفەر لوپەستىڭ كونسەرتىنە بەلسەندى قاتىسقانى ءۇشىن العىس ايتتى.
«دجەي لونىڭ كونسەرتىنە استانا قالاسىنىڭ اكىمدىگى مەن بارشا مەكەمەلەر اتسالىستى. ەلىمىزدە وسىنداي الەمدىك دەڭگەيدەگى كونسەرتتەرگە قاتىسۋ داستۇرگە اينالىپ كەلە جاتىر. مەن سىزگە ءبىر قۇپيانى ايتايىن. ءبىز ءقازىر شاكيرامەن كەلىسسوز جۇرگىزىپ جاتىرمىز، وسى جىلدىڭ كۇز ايىندا كونسەرت ءوتۋى مۇمكىن»، - دەدى پروديۋسەر.
