تارازدا قارىنداسىن قورقىتپاق بولعان 15 جاستاعى ءجاسوسپىرىم كوز جۇمدى، دەپ حابارلايدى bairaqmedia.kz.

بەيرەسمي دەرەكتەرگە سۇيەنسەك، ونىڭ ومىرىمەن قوش ايتىسۋىنا قارىنداسىمەن بولعان جانجال سەبەپ بولعان. قىز بالا اعاسىنا اشۋلانىپ، اناسىنا شاعىمداناتىنىن ايتىپ قورقىتقان.

HALYQSTAN تەلەگرام-ارناسىنىڭ اقپاراتىنشا، مارقۇم قالاداعى №27 ورتا مەكتەپتىڭ وقۋشىسى بولعان. وتباسى تولىق ەمەس: اناسى جۇمىسسىز، ال اكەسى اجىراسقاننان كەيىن بولەك تۇرادى. ۇيدە ودان بولەك تاعى ءۇش كامەلەتكە تولماعان بالا تاربيەلەنىپ جاتىر. قازا تاپقان ءجاسوسپىرىم — ۇيدەگى ۇلكەنى.

قايعىلى كۇنى ول قارىنداسىمەن تەلەفون ويىنىنا بايلانىستى سوزگە كەلىپ، ونى ۇرىپ جىبەرگەن. ءسىڭلىسى بولسا، اناسىنا ايتىپ قويامىن دەپ قورقىتقان.

كۋاگەرلەردىڭ ايتۋىنشا، ءبىراز ۋاقىت وتكەن سوڭ قىز بالا اعاسىن اۋلادا اعاشقا اسىلىپ قالعان كۇيدە تاۋىپ، جەدەل جاردەم شاقىرعان.

بولجام بويىنشا، بالا شىن مانىندە وز-وزىنە قول جۇمساعىسى كەلمەگەن، تەك قارىنداسىن قورقىتپاق بولعان. الايدا وقيعا قايعىلى اياقتالدى.

ءقازىر وقيعانىڭ ءمان-جايىن تەرگەۋ ورگاندارى انىقتاپ جاتىر. قىلمىستىق ءىس «ءوزىن-وزى ولتىرۋگە يتەرمەلەۋ» بابى بويىنشا تىركەلگەن.