تۇركىستاندا پوليسەيلەر قوعامدىق ورىنداردا بەت-الپەتتى جابۋعا تىيىم سالۋ تۋرالى زاڭناماداعى وزگەرىسكە بايلانىستى ءتۇسىندىرۋ جۇمىستارىن جۇرگىزدى، دەپ حابارلايدى bairaqmedia.kz
12 شىلدەدەن باستاپ قوعامدىق ورىنداردا ادامنىڭ ءتۇر-سيپاتىن تانۋعا كەدەرگى كەلتىرەتىن كيىمدەرگە تىيىم سالاتىن زاڭناما نورماسى كۇشىنە ەنگەن بولاتىن. شەكتەۋ ادامنىڭ بەت-جۇزىن تولىقتاي جاۋىپ تۇراتىن كيىمدەرگە – مىسالى، نيكاب پەن بەتپەردەگە قاتىستى. ال، حيدجاب، حيمار، شەيلا سياقتى بەت اشىق قالاتىن كيىمدەرگە بۇل تالاپتىڭ قاتىسى جوق. پوليسەيلەر وسى تۋرالى تۇرعىندارعا جان-جاقتى اقپارات بەرۋدە.
ايتا كەتەرلىگى، بۇل ەرەجە مەديسينالىق، اۋا رايىنا بايلانىستى، قىزمەتتىك جانە سپورتتىق ماقساتتا كيىلەتىن كيىمدەرگە دە قاتىستى ەمەس.
سونىمەن قاتار، پوليسەيلەر ينتەرنەت-الاياقتىقتىڭ تۇرلەرى مەن ودان ساقتانۋ جولدارى تۋرالى دا تۇسىندىرۋدە. بۇل شارا قوعامدىق قاۋىپسىزدىكتى قامتاماسىز ەتۋگە، ءارى ازاماتتاردى قۇقىقتىق اقپاراتتاندىرۋعا باعىتتالعان.
