كەزىندە كوپتەگەن بەلەستەردى باعىندىرعان ءانشى بولىپ تانىلىپ، ءقازىر ساحنادان كەتىپ، كاسىپكەرلىككە بەت بۇرعان رۇستەم جۇگىنىسوۆ ەل اراسىندا قىزۋ تالقىعا تۇسكەن پىكىرى ءۇشىن بارشا ايەلدەر قاۋىمىنان كەشىرىم سۇرادى، حابارلايدى bairaqmedia.kz.
بۇل تۋرالى ول Theards جەلىسىندەگى پاراقشاسىندا جازدى.
«قايىرلى كۇن! سوڭعى كۇندەرى تاراپ جاتقان مەنىڭ جازبالارىما بايلانىستى تۇسىنىكتەمە بەرگىم كەلەدى. ءبىرىنشى ستوريسىمدا ايتقانىمداي، بۇل جاعدايدا تولىقتاي ەر ازاماتتىڭ جاساعانى قاتە. بۇل-ايقىن. دىنىمىزدە دە «ءبىر كۇندىك نەكە» دەگەن تۇسىنىك جوق ەكەنىن ناقتى تاعى ايتقىم كەلەدى»، — دەيدى رۇستەم.
ول جەلىدە ويىن دۇرىس جەتكىزە الماعانىن اتاپ ءوتتى.
«ويلانا كەلە، سول ساتتەگى ەموسيانىڭ اسەرىمەن كەي سوزدەرىمدە قاتتىلىققا جول بەرىپ، ويىمدى دۇرىس جەتكىزە الماعانىمدى ءتۇسىندىم. بۇل مەنىڭ تاراپىمنان كەتكەن ۇلكەن قاتەلىك ەكەنىن مويىندايمىن. ءبىز زايىرلى ەلدە تۇرامىز، ءار ادامنىڭ ءوز تاڭداۋى بار. ەشكىمدى بەلگىلى ءبىر كوزقاراستى ۇستان دەپ ماجبۇرلەۋ ويىمدا بولعان ەمەس. مەن ءار ادامنىڭ شەشىمىن سىيلايمىن جانە قۇرمەتتەيمىن! نەگىزىندە بۇل ماسەلەنى قوزعاعاندا، ەڭ الدىمەن قاۋىپسىزدىك جاعىن ويلاعان ەدىم. يا، مەن دە قىز باعىپ وتىرعان اكەمىن. مەن دە قىزدارىمدى ۋايىمدايمىن. كەش باتا كوشەدە ءتۇرلى ءقاۋىپ توندىرەتىن ەر ازاماتتار، ياعني ماس كۇيدەگى ادامدار، ەسىرتكى اسەرىندەگى نەمەسە پسيحيكالىق جاعدايى تۇراقسىز ازاماتتار كەزدەسۋى مۇمكىن. مەن تەك سول قاۋىپتەردەن قورعاشتاپ، قارىنداستارىمدى ۋايىمداعاندىقتان، ەموسيامەن ايتىپ قويدىم. يا، جەتكىزۋ فورماسىنان قاتەلىك كەتكەنى راس. ءبىراق، مەنىڭ نيەتىم ەشقاشان ارۋ جانداردى كىنالاۋ بولماعان»، — دەپ اقتالدى ءانشى.
جۇگىنىسوۆ قىز-كەلىنشەكتەردى ءارقاشان قولدايتىنىن ايتتى. سەبەبى، ولار ءبىزدىڭ قوعامنىڭ نەگىزى مەن تىرەگى، دەپ بىلەتىن ايتتى.
«زورلىق-زومبىلىق، الداۋ، پايدالانۋشىلىق، مۇنىڭ بارىنە ايەل ەمەس، ەر ادامداردىڭ كىناسى بار ەكەنى تولىقتاي راس! سوندىقتان ەڭ الدىمەن، وزگەرىس تە، جاۋاپكەرشىلىك تە ەر ازاماتتاردان باستالۋى قاجەت. بۇل جاعداي مەن ءۇشىن ۇلكەن ساباق بولدى. ايتىلعان ءار پىكىردى قابىلداپ جاتىرمىن. قارىنداستارىم، اپكەلەرىم سىزدەردى رەنجىتىپ السام، شىن جۇرەكتەن كەشىرىم سۇرايمىن!»، — دەيدى باسى داۋعا ءانشى.
