جۋرناليست ەربول سەيىلحاننىڭ YouTube ارناسىندا قوناقتا - ساياساتانۋشى نۇربولات نىشانباي بولىپ، ۋكراينا-رەسەي كەلىسسوزىنە قاتىستى تالداۋ جاسادى، دەپ حابارلايدى bairaqmedia.kz
ۋكراينا تاعدىرى اق ۇيدە شەشىلىپ جاتىر
اق ۇيدەگى كەزدەسۋ: زەلەنسكيي، ترامپ جانە ەۋروپا باسشىلارى نە شەشتى؟ ۋكراينا جەرىنىڭ تۇتاستىعىن كىم قورعايدى؟ ۋكراين حالقى ءۇشىن تاۋەلسىزدىكتىڭ قۇنى بارعان سايىن نەگە قىمباتقا ءتۇسىپ بارادى؟
ءسوز كوپ، ارەكەت از
اقش پەن ەۋروپا ۋكراينانى قولدايتىنىن ايتىپ كەلەدى. ءبىراق ناقتى قاۋىپسىزدىك كەپىلدىگىنە كەلگەندە قۇر سوزدەن ءارى اسپاي تۇر. بۇل جاعداي «بۋداپەشت كەلىسىمىنىڭ قايتالانۋى ەمەس پە؟» دەگەن سۇراققا يتەرمەلەيدى. سۇحباتتا 1994 جىلى ۋكراينانىڭ اۋماقتىق تۇتاستىعىنا كەپىل بولعان مەملەكەتتەردىڭ ءوز مىندەتتەمەلەرىن نەگە ورىنداماعانىن تالدادىق. سول تاريحي كەزەڭدى ەسكە الدىق. كورىڭىز!
ناتو-عا ەسىك جابىلدى
رەسمي كييەۆ ءۇشىن ەڭ اۋىر سوققى – ناتو ەسىگىنىڭ جابىلۋى. ەندى ۋكراينا كىمگە ارقا سۇيەمەك؟ ەۋروپا ليدەرلەرىنىڭ مالىمدەمەلەرىن تارازىلادىق.
كرەملدىڭ قىسىمى
ماسكەۋ ۋكراينا وككۋپاسيالانعان جەردى بىزگە بەرسىن، ناتو-عا كىرمەسىن، ورىس تىلىنە ارنايى مارتەبە بەرسىن دەپ تالاپ قويىپ وتىر. ءبىراق كييەۆ بۇل شارتتارعا كونبەيتىنىن قاتاڭ مالىمدەپ وتىر. دەمەك، تارتىس توقتاعان جوق.
پۋتين مەن زەلەنسكيي جەر ايىرباستاي ما؟
ناقتى داتا ءالى بەلگىلەنبەدى. ءبىراق كەزدەسۋدىڭ بۋداپەشت كەلىسىمى قول قويىلعان ۆەنگريادا ءوتۋى مۇمكىن دەگەن بولجام بار.
سۇحباتتىڭ تولىق نۇسقاسىن كورىڭىز!
