پەريزات قايرات پەن اناسى عايني الاشبايەۆاعا قاتىستى سوت وتىرىسىندا مەملەكەتتىك ايىپتاۋشى ارمان كازەكەن 2023 جىلعى 16 تامىزدا جازىلعان عايني الاشبايەۆانىڭ تەلەفونىنان تابىلعان جەكە جازبالاردى جاريا ەتتى، دەپ حابارلايدى Bairaqmedia.kz.

پروكۋروردىڭ سوزىنشە، بۇل جازبالار قىلمىستىق جولمەن الىنعان قاراجاتتىڭ ناقتى قايدا جۇمسالعانىن كورسەتەدى.

تەلەفونداعى جازبالاردان ءۇزىندى:

37 ملن تەڭگە – كولىك ساتىپ الۋعا
5 ملن تەڭگە – ءتىس ەمدەۋگە
10 ملن تەڭگە – تۇركيادا ەمدەلىپ قايتۋعا
3 ملن تەڭگە – باد (بيولوگيالىق بەلسەندى قوسپالار) الۋعا
10 ملن تەڭگە – قىدىرۋعا
3 ملن تەڭگە – فەنشۋي قىزمەتىنە
1 ملن تەڭگە – باسزى كۋرسىنا
2 ملن تەڭگە – وفلاين ءىس-شارالارعا قاتىسۋ مەن سەرۋەندەۋگە
3 ملن تەڭگە – كيىم ساتىپ الۋعا
3 ملن تەڭگە – اق التىننان جاسالعان گاۋھار بىلەزىككە

سونىمەن قاتار، ايىپتالۋشى پەريزات قايرات ءوز تابىسىنىڭ زاڭدى كوزىن دالەلدەي الماعانى ايتىلدى. پروكۋروردىڭ مالىمدەۋىنشە، سوتقا قايراتتىڭ يەلىگىندەگى وزگە دە اكتيۆتەر مەن قارجىلاي شىعىنداردىڭ زاڭدىلىعىن راستايتىن ناقتى قۇجاتتار ۇسىنىلماعان.