وزبەكستاننىڭ نامانگان وبلىسىندا يمامدار، يمام-حاتيبتەر جانە مەشىت قىزمەتكەرلەرىنىڭ (مۋتاۆالليلەردىڭ) ايەلدەرى ارنايى جيىنعا شاقىرىلدى، دەپ حابارلايدى Azattyq Rýhy.

جيىندا ولارعا ورامالدى اراب داستۇرىنە ساي ەمەس، جەرگىلىكتى ۇلتتىق ۇلگىمەن – ءتۇيىنىن ارتقا بايلاپ تاعۋ قاجەتتىگى ەسكەرتىلدى.

بۇل تاپسىرما نامانگان وبلىسىنىڭ مۇسىلماندار باسقارماسىنىڭ جەتەكشىسى مۋساحون اببوسيدينوۆكە جۇكتەلگەن.

جينالىس بارىسىندا وبلىستىق اكىمدىك جانىنداعى ءدىني ۇيىمدارمەن جۇمىس ءبولىمىنىڭ قىزمەتكەرى سايەرا يساكوۆا ءسوز سويلەپ، ەلدە تۇلعانى تانۋعا كەدەرگى كەلتىرەتىن كيىم كيۋگە تىيىم سالىنعانىن ەسكە سالدى.

اتالعان تالاپ 2023 جىلدان باستاپ زاڭمەن بەكىتىلگەن. ونى بۇزعاندارعا اكىمشىلىك قۇقىق بۇزۋشىلىق تۋرالى كودەكستىڭ 184-بابىنىڭ 4-بولىگىنە سايكەس ايىپپۇل سالىنادى.

«ەگەر يمامنىڭ جارى زاڭدى بۇزسا، ونىڭ كۇيەۋى دە جاۋاپكەرشىلىككە تارتىلادى. قۇراندا حيدجاب تاعۋ مىندەتتەلمەگەن»، – دەدى يساكوۆا.

جۋرناليستەردىڭ قولىنا ۇزاقتىعى ەكى ساعاتتان اساتىن جيىننىڭ اۋديوجازباسى تۇسكەنى دە حابارلاندى.