Kaspi.kz «Kaspi مەيرامحانالار» اتتى ىڭعايلى جاڭا سەرۆيستى ىسكە قوستى. ەندى شوتتى تولەۋ ءۇشىن تولەۋ تەرمينالىن كۇتۋدىڭ قاجەتى جوق، دەپ حابارلايدى bairaqmedia.kz.
ۇزدىك Kaspi.kz قوسىمشاسىن اشىپ، ۇستەلدەگى QR-كودتى سكانەرلەپ، تاپسىرىس اقىسىن تولەسەڭىز بولعانى، قالاساڭىز، تىكەلەي داياشىعا شايپۇل قالدىرا الاسىز.
ميحايل لومتادزە، Kaspi.kz باسشىسى ءارى نەگىزىن قالاۋشىلاردىڭ ءبىرى:
«شوتتى تولەۋ ءۇشىن تەرمينالدى كۇتىپ، بولەك شايپۇل قالدىرۋ ءۇشىن داياشىدان تەلەفون ءنومىرىن سۇرايتىن جاعدايلار اركىمدە بولعان شىعار. ءبىز قوناقتارعا كەز كەلگەن ۋاقىتتا تاپسىرىستى ىڭعايلى تولەۋگە جانە جاقسى قىزمەت ءۇشىن العىس رەتىندە شايپۇل قالدىرۋعا مۇمكىندىك بەرەتىن Kaspi مەيرامحانالار سەرۆيسىن جاسادىق. سۇيىكتى كليەنتتەرىمىزگە استارى ءدامدى بولۋىن تىلەيمىز جانە بىزبەن بىرگە بولعاندارىڭىز ءۇشىن العىس ايتامىز!».
جاڭا سەرۆيس سۇيىكتى كليەنتتەرىمىزدىڭ عانا ەمەس، مەيرامحانالاردىڭ دا ۋاقىتىن ۇنەمدەۋگە كومەكتەسەدى. ەندى داياشىلار اقى قابىلداۋعا ۋاقىت جۇمساماي، قوناقتارعا كوبىرەك ۋاقىت بولە الادى. Kaspi مەيرامحانالار سەرۆيسى ءقازىردىڭ وزىندە قازاقستان بويىنشا شامامەن 800 مەيرامحانا مەن ءدامحانادا قولجەتىمدى.
Kaspi.kz تۋرالى
Kaspi.kz ميسسياسى – كليەنتتەر مەن سەرىكتەستەردىڭ ءومىرىن جاقسارتاتىن يننوۆاسيالىق ونىمدەر مەن قىزمەتتەر جاساۋ. يننوۆاسيالاردىڭ ورتالىعىندا – ەلدەگى ەڭ تانىمال ءموبيلدى سۋپەرقوسىمشا Kaspi.kz. ونى شامامەن 15 ميلليونعا جۋىق قازاقستاندىق پايدالانادى، ول ەلدەگى ەلەكتروندى ساۋدا، تولەم جانە قارجىلىق جەتەكشى سەرۆيستەردى قامتيدى.
Kaspi.kz سۋپەرقوسىمشاسى ارقىلى قازاقستاندىقتار تەگىن جەتكىزۋ قىزمەتى بار ءتيىمدى ونلاين زات ساتىپ الىپ، كوميسسياسىز تولەمدەر مەن اۋدارىمدار جاسايدى، جەكە قارجىلارىن باسقارادى، اۋە جانە تەمىرجول بيلەتتەرىن ساتىپ الادى، تۋرلار راسىمدەيدى جانە ەڭ تانىمال مەملەكەتتىك قىزمەتتەردى پايدالانادى.
Kaspi.kz بيزنەس ءۇشىن دە Kaspi Pay سۋپەرقوسىمشاسىن ازىرلەدى، ونى قازاقستانداعى شامامەن 700 مىڭعا جۋىق كاسىپكەر پايدالانادى. Kaspi Pay ارقىلى كاسىپكەرلەر بيزنەسىن دامىتۋعا قارجىلاندىرۋ الادى، تولەم قابىلدايدى، جارنامالىق ناۋقاندار جۇرگىزەدى، سالىق تولەيدى، ەلەكتروندىق ساۋدا جانە جەتكىزۋ پلاتفورماسىنا قوسىلادى، ونىڭ كومەگىمەن تاۋارلارىن بۇكىل ەل اۋماعىندا ساتادى.
گارۆارد بيزنەس مەكتەبى Kaspi.kz تۋرالى ەكى وقۋ ماتەريالىن ازىرلەدى، ونى بىرنەشە جىلدان بەرى ماگيستراتۋرا ستۋدەنتتەرى وقىپ كەلەدى.
