ورتا سالماقتا WBO جانە IBF تۇجىرىمدارىنىڭ چەمپيونى جانىبەك ءالىمحان ۇلىنىڭ قانىنان دوپينگ تابىلدى، دەپ حابارلايدى bairaqmedia.kz.

BoxingScene باسىلىمىنىڭ حابارلاۋىنشا، ەرىكتى دوپينگكە قارسى قاۋىمداستىق (VADA) بوكسشىنىڭ دوپينگ سىناماسىنان تىيىم سالىنعان مەلدونيي دارىلىك زاتىن تاپقان.

بوكسشىنىڭ ءوزى بۇل جاڭالىقتى ەستىپ، تاڭعالعانىن ايتتى.

"مەن ءارقاشان تازا سپورتتى قولدايمىن. مۇنى جاقسى بىلەسىزدەر. مەن تازا سپورتتى ناسيحاتتاپ جۇرگەنىمدى دە بىلەسىزدەر. جاڭالىقتى وقىپ تاڭعالىپ وتىرمىن. VADA ءبىرىنشى رەت اناليز الىپ، ءبارى تازا دەپ ەدى. مەن ۆيتاميندەرىمە دە، تاماعىما دا ەشقانداي وزگەرىس ەنگىزبەدىم. ەكىنشى رەت تەستە نەگە مۇنداي بولعانىن تۇسىنبەي وتىرمىن، ءبىز قايتا اناليز تاپسىرۋعا ءوتىنىش ايتتىق. جاۋابىن كۇتىپ وتىرمىز!"، - دەپ جازدى ءالىمحان ۇلى.