يسلام ويىندارىندا قازاقستاندىق 97 سپورتشىنىڭ 56-سى مەدال جەڭىپ الدى، ءار ءتورتىنشى مەدال – التىن، دەپ حابارلايدى سپورت جانە دەنە شىنىقتىرۋ كوميتەتى.
ار-رياد قالاسىندا One Nation – ءبىر ۇلت ۇرانىمەن وتكەن VI يسلام ىنتىماقتاستىعى ويىندارى ءوز مارەسىنە جەتتى.
جارىسقا 57 ەلدىڭ سپورتشىلارى قاتىستى.
قازاقستان قۇراماسى 16 سپورت تۇرىنەن ونەر كورسەتتى: جەڭىل اتلەتيكا، كيبەرسپورت، سەمسەرلەسۋ، گاندبول، دجيۋ-دجيتسۋ، دزيۋدو، كاراتە، ءجۇزۋ، ۇستەل تەننيسى، تاەكۆوندو، اۋىر اتلەتيكا، ەركىن كۇرەس، گرەك-ريم كۇرەسى، ايەلدەر كۇرەسى، ۋشۋ جانە مۋاي-تاي.
"ال بوكس، ۆولەيبول، ات سپورتى، 3ح3 باسكەتبول، فۋتزال، دۋاتلون، تۇيە جارىسى سىندى سپورت تۇرلەرى بەلگىلى سەبەپتەرگە بايلانىستى جارىسقا قاتىستىرىلعان جوق"، - دەيدى ۆەدومستۆو.
وتاندىق سپورتشىلار يسلام ىنتىماقتاستىعى ويىندارىندا بارلىعى 56 مەدال جەڭىپ الدى: 15 التىن، 20 كۇمىس جانە 21 قولا.
ءبىرقاتار سپورت تۇرىندە العاش رەت ەل قورجىنىنا التىن مەدال ءتۇستى. اتاپ ايتساق، دزيۋدودان ارۋنا جانگەلدينا، ۇستەل تەننيسىنەن كيريلل گەراسيمەنكو، مۋاي-تايدان تۇرار دۇيسەحان جەڭىسكە جەتتى. سەمسەرلەسۋدەن ەرلەر كومانداسى وق بويى وزدى. ال وتانداستارىمىز دجيۋ-دجيتسۋدا ءۇش التىن جەڭىپ، ۇزدىك شىقتى.
