گرۋزيادا وتكەن ارالاس جەكپە-جەكتەن (MMA) الەم چەمپيوناتىندا اتىراۋلىق ەرۇلان قابدۋلوۆ ەكى دۇركىن الەم چەمپيونى اتاندى، - دەپ حابارلايدى bairaqmedia.kz
جارىس 27 قىركۇيەك پەن 2 قازان ارالىعىندا گرۋزيا استاناسى تبيليسيدە ءوتتى. اتالعان تۋرنيردە قازاقستان قۇراماسىنىڭ سپورتشىلارى جوعارى ناتيجە كورسەتىپ، ەرلەر اراسىندا 2 التىن، 1 كۇمىس جانە 5 قولا مەدال جەڭىپ الدى. ايەلدەر اراسىندا 4 قولا جۇلدە بار.
ال ەكى دۇركىن الەم چەمپيونى اتانعان ەرۇلان 52،2 كەلىدە ب ا ق سىناپ، اقتىق سىندا ءقازىر IMمAF نۇسقاسى بويىنشا رەيتينگتە كوش باستاپ تۇرعان تاجىكستان بالۋانىنان باسىم ءتۇستى. جەكپە-جەك ءۇش راۋندقا سوزىلىپ، قابدۋلوۆ تورەشىلەر شەشىمىمەن جەڭىسكە جەتتى.
بۇل ەرۇلاننىڭ مما-دەن الەم چەمپيوناتىندا جەڭىپ العان ەكىنشى التىنى. بۇعان دەيىن ول ءدال وسى سالماقتا 2024 جىلى تاشكەنتتە (وزبەكستان) وتكەن الەم بىرىنشىلىگىندە توپ جارعان ەدى. وسىلايشا، اتىراۋلىق ەرۇلان قابدۋلوۆ «ق ر ەڭبەك سىڭىرگەن سپورت شەبەرى» اتاعىن الۋ ءۇشىن بار تالاپتى ورىندادى. زاڭ بويىنشا، وليمپيادالىق ەمەس سپورت تۇرلەرىنەن «ەڭبەك سىڭىرگەن سپورت شەبەرى» اتاعىن الۋ ءۇشىن ەكى دۇركىن الەم چەمپيونى اتانۋ كەرەك.
ەرۇلان جەڭىل سالماقتاعى ۇزدىكتەرىمىزدىڭ ءبىرى. ول سپورتتىق مانسابىن باستاعان التى جىلدىڭ ىشىندە بىردە-بىر رەت جەڭىس تۇعىرىنان سىرت قالعان جوق. التىن بولماسا، كۇمىس پەن قولا الىپ، قۋانتاتىن. بىلتىر العاش رەت الەم چەمپيونى اتانىپ، بيىل سول اتاعىن قورعاپ قالدى. فينالدىق بەلدەسۋ قيىن بولسا دا، ەل نامىسى سىنعا تۇسكەن ساتتە بارىن سالدى، - دەيدى باس باپكەر بايان جانعالوۆ.
ودان بولەك، قازاقستان قورجىنىنا تاعى ءبىر التىندى جەتىسۋلىق جاقسىبەك ايماحانوۆ سالدى. 83،9 كەلىدە سىنعا تۇسكەن ول بارلىق جەكپە-جەكتەرىن مەرزىمىنەن بۇرىن اياقتاپ، كوپتەن كۇتكەن الەم چەمپيونى اتاعىن يەلەندى.
جاقسىبەكتىڭ جاسى وتىزدا، ول بۇل جەڭىسكە جەتۋ ءۇشىن تالاي قيىندىقتان ءوتتى. 2022 جىلى سەربيادا وتكەن الەم چەمپيوناتىندا فينالدا ۇتىلىپ، كۇمىستى قاناعات تۇتتى. 2023 جىلى تورەشىلەر تاراپىنان ادىلەتسىزدىككە ۇشىرادى، ال 2024 جىلى قارسىلاسى جاقسىبەكتىڭ جاراقاتى بار شىنتاعىنا ءادىس جاساپ، قاتتى اۋىرسىندى. دەسە دە، سول كەدەرگىلەردىڭ ءبارى ارتتا قالىپ، بيىل بۇل جىگىتىمىزدىڭ جۇلدىزى جاندى، - دەيدى باس باپكەر.
كۇمىس مەدالدى دوسجان ەسبول (اقتوبە وبلىسى)، قولا جۇلدەنى ءابىلمانسۇر جەكسەنباي (اقتوبە وبلىسى)، مارات اشىمتايەۆ (پاۆلودار وبلىسى)، ەركەبۇلان بەگاسىل ۇلى (جەتىسۋ وبلىسى)، دميتريي ياركوۆ (پاۆلودار وبلىسى) جانە دياس وسكەر (الماتى قالاسى) يەلەندى. قىزدار اراسىندا ماتيلدا باچۋرينا (اقمولا وبلىسى)، ادەل ماحمەتوۆا (الماتى وبلىسى)، ءمولدىر اشىربەكوۆا (الماتى وبلىسى) جانە ديانا احمەتوۆا (اتىراۋ وبلىسى) قولا مەدال ەنشىلەدى. جالپىكوماندالىق ەسەپتە قازاقستان ەكىنشى ورىننان كورىندى.
مما-دەن الەم چەمپيوناتى جىل سايىن ارالاس جەكپە-جەكتەن حالىقارالىق فەدەراسيانىڭ (IMMAF) ۇيىمداستىرۋىمەن وتەدى. گرۋزيادا وتكەن بيىلعى الەم بىرىنشىلىگىنە 78 ەلدەن كەلگەن 800-گە جۋىق سپورتشى قاتىستى.
