جاڭالىقتار 85 جاسىنا قاراعان شاعىندا قازاقستاننىڭ حالىق جازۋشىسى، بەلگىلى دراماتۋرگ، تالانتتى سازگەر يسرايل ساپارباي دۇنيەدەن ءوتتى، دەپ حابارلايدى bairaqmedia.kz.

بۇل تۋرالى جازۋشىلار وداعىنىڭ ءتوراعاسىنىڭ ورىنباسارى قاسىمحان بەگمانوۆ ءوزىنىڭ Facebook پاراقشاسىندا حابارلادى.

«بۇگىن تاڭنان سۋىق حابار جەتتى. تاڭعى ساعات ءتورت شاماسىندا 85 جاسىنا قاراعان شاعىندا قازاقستاننىڭ حالىق جازۋشىسى، تاۋەلسىز «پلاتينالى تارلان» سىيلىعىنىڭ لاۋرەاتى، اسا كورنەكتى ۇلت اقىنى، بەلگىلى دراماتۋرگ، تالانتتى سازگەر يسرايل ساپارباي اعامىز دۇنيەدەن ءوتتى. ۇلى اقىننىڭ قاسكەلەڭدەگى قارا شاڭىراعىندا، بالا-شاعاسىنىڭ الدىندا اۋىر ناۋقاستان قايتقانى جايلى حاباردى ماعان اعامىزدىڭ ۇلى نۇرلان يسرايل ۇلى باۋىرىم حابارلادى»، - دەپ جازدى قاسىمحان بەگىمحانوۆ.

قازاق ادەبيەتىنەن ويىپ تۇرىپ ورىن العان، كورنەكتى ليريك اقىن يسرايل ساپاربايدىڭ ارتىندا سۇلۋ سازدى اندەرى، قازاق پوەزياسىنىڭ قورجىنىنا مۇرا بولعان ولەڭدەرى جانە ءوز وقىرمانىن تاپقان پەسالارى قالدى.