استانادا جەكە سوت ورىنداۋشى ءتورت بالانىڭ اكەسىنەن 196 ميلليون تەڭگە اليمەنت بەرەشەگىن ءوندىرىپ الدى، دەپ حابارلايدى جەكە سوت ورىنداۋشىلار پالاتاسى.
بالالاردىڭ اكەسى كاسىپكەر بولعان. بۇل ءوندىرىس جەكە ورىنداۋ جۇيەسى ءۇشىن رەكوردتىق كورسەتكىش، دەيدى ۆەدومستۆو.
"جەكە سوت ورىنداۋشىسى مەيرام ابدىكوۆ بورىشكەردەن 196 ميلليون تەڭگەدەن استام سوما ءوندىرىپ، ەڭ كولەمدى جانە قيىن اليمەنت ىستەرىنىڭ ءبىرىن اياقتادى"، - دەيدى جەكە سوت ورىنداۋشىلار پالاتاسى.
قارىزدىڭ ناقتى مولشەرىن انىقتاۋ ءۇشىن ماماندار بورىشكەردىڭ قارجىسىنا ەگجەي-تەگجەيلى تەكسەرۋ جۇرگىزگەن.
"بورىشكەر ءىرى بيزنەسكە يە جانە ءتورت بالانى تاربيەلەپ وتىر. ول بىرنەشە رەت سوتقا شاعىمدانۋ ارقىلى سوت ورىنداۋشىسىنىڭ ىس-ارەكەتىنە قارسى شىعۋعا تىرىستى، ءبىراق وننان استام سوت وتىرىسى جەكە سوت ورىنداۋشىلارىنىڭ پايداسىنا اياقتالدى"، - دەيدى پالاتا.
ون جىل ىشىندە جينالىپ قالعان نەگىزگى قارىزدىڭ 140،6 ميلليون تەڭگەسى، سونداي-اق كەشىكتىرىلگەنى ءۇشىن 56 ميلليون تەڭگەدەن استام تۇراقسىزدىق ايىبى ءوندىرىپ الىندى.
