"QTJ-Júk tasymaly" JSHS bas dırektorynyń orynbasary Asan Úmbetov qaramaǵyndaǵy qyzmetkerlerimen onlaın kezdesýde ne sebepti dóreki sóılep, balaǵat sózder aıtqanyn túsindirdi, dep habarlaıdy bairaqmedia.kz.

Onyń aıtýynsha, bul jaǵdaıǵa qozǵalys qaýipsizdiginiń óreskel buzylýy sebep bolǵan.

"Vıdeony bári kórdi. Ózim de kórdim. Qozǵalys qaýipsizdigi úshin jınalys ótkizgen edik. Áriptesterimniń kemshiligin túzeý úshin qatty aıtqym keldi. Vıdeony kórgennen keıin qateligimdi túsindim. Osy jaǵdaıdan sabaq aldym. Basshylar maǵan eskertý jasady. Bolashaqta áriptesterimizben durys qarym-qatynas ornatamyz", - dedi ol.

Eske sala keteıik, temirjolshylardyń onlaın jınalysynda basshylardyń biri qol astyndaǵylarǵa dóreki sózder aıtqany jaıly vıdeo áleýmettik jelide tarap ketti. Bul jaǵdaı qoǵamda rezonans týdyrdy. Bireýler synasa, keıbiri qoldaý kórsetti