Atyraý qalasynyń 80 jastaǵy turǵyny 8 balasy men nemeresin ózine alıment tóleýge mindetteý úshin sotqa júgindi, dep habarlaıdy bairaqmedia.kz.

Zeınetkerdiń aıtýynsha, ol 10 jyldan astam ýaqyttan beri jalǵyz turady.

Qarıa sotta tek 1 uly ǵana baılanys jasap turatynyn, al qalǵandary moraldyq ta, materıaldyq ta kómek kórsetýden múlde bas tartqanqanyn aıtqan.

Talap-aryzda qarıa densaýlyǵynyń nasharlap, qarjylyq jaǵdaıynyń qıyndaýyna baılanysty qoldaýǵa muqtaj ekenin atap ótti. "Neke (erli-zaıyptylyq) jáne otbasy týraly" kodekstiń 145-babynyń 1-tarmaǵyna sáıkes, kámeletke tolǵan, eńbekke qabiletti balalar eńbekke jaramsyz ata-anasyna qamqorlyq jasaýǵa mindetti. Sondaı-aq, osy kodekstiń 153-babynda ata-anasynan nemese jubaıynan (burynǵy jubaıynan) kómek ala almaıtyn jaǵdaıda eńbekke jaramsyz atalar men ájelerdiń nemerelerinen alıment óndirýge quqyǵy bar ekeni kórsetilgen, - dep jazylǵan Joǵarǵy sot habarlamasynda.

Atyraý qalalyq soty isti qarap, talapty ishinara qanaǵattandyrý týraly sheshim qabyldady. Nátıjesinde segiz balasynyń árqaısysy men bir nemeresinen zeınetkerdiń tamaǵy men dári-dármek alýyna arnalǵan shyǵyn úshin 3 AEK (aılyq eseptik kórsetkish) kóleminde alıment óndirý týraly sheshim shyǵaryldy.

Sot sheshimi ázirge zańdy kúshine engen joq.