Áleýmettik jelide taraǵan "1949 jáne 2010 jyldar aralyǵynda ómirge kelgen qazaqstandyqtarǵa memleket 70 myń teńge tóleıtini" týraly aqparatqa qatysty Eńbek jáne áleýmettik qorǵaý mınıstrligi ókilderi pikir bildirdi. Vedomstvo bul qaýesetti joqqa shyǵardy, dep habarlaıdy bairaqmedia.kz.
"1949-2010 jyldar aralyǵynda týǵan Qazaqstan azamattaryna 70 000 teńge aýdarylatyny týraly áleýmettik jeliler men messendjerlerde taratylyp jatqan aqparat shyndyqqa janaspaıdy. Qarajatty aýdarý úshin belgisiz adamdar siltemege ótýdi usynady. Áleýmettik kómektiń mundaı túri joq ekenin habarlaımyz. Tıisinshe, kórsetilgen silteme alaıaqtar úshin azamattardyń jeke derekterin alý tásili bolýy múmkin. Alaıaqtarmen ózara árekettesýdi boldyrmaý úshin siltemege ótpeýge keńes beremiz. Memlekettik qoldaýdyń tıisti sharalary týraly resmı aqparat tek qana 1414 nómirinen SMS-habarlamalar arqyly taratylady. Azamattardan tek resmı kózderdegi aqparatty paıdalanýyn suraımyz. Jalǵan aqparat taratý zańmen jazalanatynyn esterińizge salamyz", - dep málimdedi mınıstrliktiń bapsasóz qyzmeti.
