Almaty oblysynyń ákimi "Kegen–Narynqol" tas jolynda jóndeý jumystarynyń qalaı júrip jatqanyn tekserdi, dep habarlaıdy bairaqmedia.kz

Qazir joldy jóndeý jumystarymen 71 adam jáne 44 tehnıka aınalysyp jatyr. Almaty oblysynyń ákimi Marat Sultanǵazıev qurylys barysyn arnaıy baryp aralap shyqty. 

Joba aıasynda uzyndyǵy 74 shaqyrym bolatyn «Kegen–Narynqol» jolynyń 0–37 jáne 37–74 shaqyrym aralyǵy ortasha jóndeýden ótýde. 

Jaýapty merdiger  "Nurly jol – 7" kompanıasy. Al, tehnıkalyq qadaǵalaýdy «KZ Stroıekspert» JSHS júrgizedi. Jobanyń jalpy quny 8 mıllıard teńgeden asady. 

Nysanda 7 myń m³ qıyrshyq tas daıyndalyp, 4 shaqyrym jolda resaıklızasıa júrgizilgen. Buǵan qosa, 2 shaqyrym jolǵa tómengi qabat tóselgen. 

Óńir basshysy jobanyń júzege asyrylý qarqynyna nazar aýdaryp, jumysty jedeldetýdi jáne bólingen qarajatty tıimdi paıdalanýdy tapsyrdy. Ol jol sapasynyń jergilikti halyq úshin mańyzdy ekenin atap ótip, halyqpen kezdesýlerde kóterilgen ınfraqurylym máseleleri kezeń-kezeńimen sheshiletinin jetkizdi.