Túrkistan qalasynyń mamandary jat dinı aǵymdarǵa qarsy túsindirý jumystaryn jalǵasýda. Qazir olar mektep oqýshylaryna tolyqqandy aqparat berip júr, - dep habarlaıdy bairaqmedia.kz

Bul joly mamandar S.Rahımov atyndaǵy mektepke taban tiredi. İs-sharanyń basty maqsaty - oqýshylar arasynda durys dinı túsinik qalyptastyrý, radıkaldy aǵymdardyń aldyn alý jáne dástúrli ıslam qundylyqtaryn nasıhattaý. 

Kezdesýge qalalyq ishki saıasat bóliminiń bas mamany A.Áýezhanov pen E.Qydyrbaı qatysty. Kezdesý barysynda teolog maman oqýshylarmen ashyq ári mazmundy áńgime órbitti. Olar ıslam dininiń adamgershilik, sabyrlyq, meıirimdilik sekildi izgi qasıetterge tárbıeleıtini týraly keńinen túsindirip, qoǵamda kezdesetin teris dinı aǵymdar men olardyń belgileri jóninde naqty málimetter berdi.

Sonymen qatar, mamandar dindi tek resmı jáne senimdi derekkózder arqyly taný qajet ekenin erekshe atap ótti. Oqýshylar ózderin tolǵandyrǵan suraqtaryn qoıyp, din salasy boıynsha paıdaly ári qundy jaýaptar aldy. Mundaı tanymdyq kezdesýler jastardyń dinı saýatyn arttyryp qana qoımaı, olardy rýhanı turǵyda tárbıeleýge, salaýatty kózqaras qalyptastyrýǵa úlken septigin tıgizedi deıdi mamandar.