AQSH-ta jerlengen qazaqtyń kórnekti jazýshysy Muhtar Maǵaýınniń qabirine týǵan jeri Kópbeıit-Bosaǵadan ákelingen bir ýys topyraq salynyp, sarjalqy dalanyń jýsany qoıyldy, dep habarlaıdy bairaqmedia.kz.
Áleýmettik jelide Saparbek Naǵashybekov jazǵandaı, jazýshynyń uly Edige Maǵaýın ákesiniń máńgilik mekenine týǵan jerdiń topyraǵy men jýsanyn jetkizip, dástúrdi oryndaǵan.
«Búgin Vashıngtonǵa jaqyn jerde, qazaqtyń uly jazýshysy, abyzy Muhtar Maǵaýınniń qabirin zırat etip, qazaqtyń "topyraq aparý" dástúri jasalyp, atamyzǵa quran baǵyshtaldy. Qabyl bolsyn.
Muhtar atamyzdyń uly Edige aǵamyz Qazaqstandaǵy ata babasy jerlengen jerden alyp kelgen topyraq pen jýsandy atamyzdyń qabirine kómdi. Bul sharaǵa qazaqtar men bizdiń Vashıngtondaǵy Kazakh American Association qatysty.
Birneshe aı buryn osy atamyzdyń AQSH-taǵy qabirinen topyraq alynyp Qazaqtandaǵy ata babalarynyń qasyna jetkizilgen bolatyn.
Muhtar Maǵaýın atamyz búkil ómirin qazaqqa arnap 27 tom kitaptar jazyp, qazaqtyń tarıhyn túgendep berdi , bolashaq urpaq úshin. Qazaqtyń tarıhynda osynshama kitap jazǵan jazýshy bolmaǵan.
Ýa Alla sen rahmansyń, rahımsyń, ǵafýrsyń, keshirgendi jaqsy kóresiń Muhtar atamyzdyń kúnálárin keshirip janyn jannatyq qylǵaı.
Zırattan keıin Edige aǵamyzdyń úıine baryp atamyzdy eske aldyq, quran oqyldy. Úıinde atamyzdyń kabıneti, kitaphanasy áli sol kúıinde saqtalǵan.
Biraz jaqsy áńgimeler aıtyldy atamyz týraly. Bir aǵamyz aıtty, 2022 jyly Muhtar atamyz aýyryp qalyp, qudaıdan jazyp jatyrǵan kitabymdy bitirýge endi 3 jyl ómir bershi dep suradym dep aıtyp edi , sóıtip 2024 tiń kúzinde kitapty bitirip, 2025 tiń qańtarynda, 85 jasqa tolýyna 1 aı qalǵanda, qaıtys boldy atamyz dedi.
2022 jyly ıýnde AQSH ta kenje qyzymnyń tusaýyn Muhtar atamyz kesip, toı jasaǵanbyz. Sol toıǵa atamyzdy úıinen alyp kelip, aparyp tastaýǵa ózim baryp kólikte 2 saǵat tekti atamyzdyń áńgimesin tyńdap keldim.
Osy Vashıngtonda bizdiń Asosıasıa jasaǵan barlyq Naýryz, Bas qosý t.b. is sharalarǵa Muhtar atamyz qatysyp batasyn berip , jaqsy áńgimelerin aıtyp otyratyn. Atamyzdy saǵyndyq.
Muhtar Maǵaýın atamyzdyń qabirin zırat etemiz degen aǵaıyn google karta men osy jerge barýǵa bolady
https://maps.app.goo.gl/yhD1QtKLZz1XyHZa9?g_st=aw», - dep jazdy ol.
