Memleket basshysy Qasym-Jomart Toqaev PepsiCo qory dırektorlar keńesiniń tóraǵasy Stıven Kıhony qabyldady.
Kezdesýde PepsiCo kompanıasynyń Qazaqstandaǵy ınvestısıalyq jobasyn júzege asyrý barysy qarastyryldy.
Álemge áıgili brend Almaty oblysynda snekter shyǵaratyn zaýyt qurylysyna kiristi. Investısıa kólemi – 368 mıllıon dollar.
Prezıdent jobany iske asyrýdan kútiletin ekonomıkalyq paıdaǵa nazar aýdardy. Kompanıa 900-ge tarta turaqty jumys ornyn ashýdan bólek, qytyrlaqqa arnalǵan kartopty jergilikti jerde ósirýge nıetti.
"Stıven Kıhonyń aıtýynsha, búgingi tańda baǵdarlamaǵa Pavlodar, Aqmola, Qaraǵandy, Almaty jáne Jetisý oblystarynan 15-ke jýyq sharýashylyq qosylǵan. Budan bólek, shıkizatty saqtaý bazasyn keńeıtip, kartop ónimdiligi men sapasyn arttyrý úshin ǵylymı tásilge júginý josparlanyp otyr", - dep jazdy prezıdentiniń baspasóz qyzmeti.
Qasym-Jomart Toqaev PepsiCo kompanıasynyń ornyqty agrosharýashylyqty damytý bastamasyna qoldaý bildirip, úkimet pen jergilikti ákimdik óndiristiń ýaqtyly iske qosylýyna barynsha jaǵdaı jasaıtynyn aıtty.
