Búgin Túrkistan oblysynyń ortalyǵy, kıeli shahar Túrkistan qalasynda halyqaralyq World CleanUp Day is-sharasy aıasynda keń kólemdi senbilik sharasy uıymdastyryldy, dep habarlaıdy bairaqmedia.kz.
Kezekti senbilikke qaladaǵy departamentter men basqarmalar, derbes bólimder men sektor, komýnaldyq memlekettik mekemeler men kásiporyn qyzmetkerleri, máslıhat depýtattary men qoǵamdyq uıym ókilderi, qala turǵyndary men túrli jaýapkershiligi shekteýli seriktestikter jáne eriktiler qatysty.
Tazalyq jumystary barysynda jalpy 1000nan adam astam, 22 arnaıy tehnıka jumyldyrylyp, B.Sattarhanov dańǵyly men Qazybek bı kóshesi aralyǵyndaǵy aýmaqta shópter shabylyp, aıaq joldar tazalanyp, turmystyq qaldyqtar shyǵaryldy.
Túrkistan qalasy ákimdigi qala turǵyndaryn tazalyqqa belsene atsalysýǵa jáne ózderi turatyn aımaqtardy taza ustaýǵa shaqyrady.
