Búgin Túrkistan qalasynyń ákimi Ázimbek Pazylbekuly Túrkıa Respýblıkasynyń «Sensemi» kompanıasynyń ókilderimen kezdesip, kelissóz júrgizdi, - dep habarlaıdy bairaqmedia.kz
Kezdesý barysynda Túrkistan qalasynda zamanaýı gaz ólsheýish, elektr ólsheýish jáne sý ólsheýish qurylǵylaryn óndirý jobasyn iske asyrý máseleleri talqylandy. Taraptar ózara pikir almasyp, jobanyń negizgi baǵyttaryna toqtaldy.
Ázimbek Pazylbekuly sheteldik ınvestorlarǵa Túrkistan qalasynyń ınvestısıalyq múmkindikteri men týrısik áleýetin tanystyryp, barlyq qolaıly jaǵdaı jasalǵanyn jáne ınvestorlarǵa jan-jaqty qoldaý kórsetiletinin atap ótti.
Investorlardyń málimetinshe, jobanyń quny birinshi kezeńde 5 mln AQSH dollaryn, ekinshi kezeńde 10 mln AQSH dollaryn quraıdy. Joba tolyq júzege asqan jaǵdaıda shamamen 450 jańa jumys orny ashylady dep kútilýde. Óndiris orny Túrkistan qalasynyń arnaıy ekonomıkalyq aımaǵynda ornalaspaq.
Kezdesý sońynda taraptar ózara yntymaqtastyqty nyǵaıtyp, jobany sátti júzege asyrý úshin barlyq qajetti qoldaýdy kórsetýge daıyn ekenderin bildirdi.
